1 Samoɛl 11:6 - mzwDBL

⁶ Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

1 Samoɛl 11:6 ပူးပေါင်းရင်းမြစ်များ

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.

Sitɔɔla 14:6

Korowii Doma den ba so Samsen nɛɛ kerabeŋkpoŋ dɛ tɛo kpeɡri, asɛ o lawɛ nyujente la dɛ kpɔ nɔn toɡru kɛŋɔ bombie ken. O ta o nya ne o mɛɛ be ɡɛ waa ɛa la bolɛ.

Sitɔɔla 13:25

Korowii Doma ɡe baa so o nɛ, dɛ pa mun kpɔɔ dɛɛ ɛ toma ɡɛ saŋ waa lɔ bwɛɛ Mahane Dan, o lɔ Sora ne Ɛstaol baah ta.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Sitɔɔla 11:29

Anee Korowii Doma ba so Jɛfta nɛ, asɛ o ne o laa tena tawɛ Gelead ne Manasɛ deene harɛre ta, dɛ ba Mispa waa lɔ Gelead harɛ ta la, dɛ le bela ka yo Amɔn tena.

Ɛfesos 4:26

Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Kaala 32:19

Belaa Mosis suuh tel bela baa soɡa la, asɛ dɛ na nabale la ne sae baa dɛ sa la, asɛ o baah di ba nɛɛ kohona. Anee o kpɔ bwepɛle anɛ la viɡri bwe la lɔɡa a bwa peɡri wɛjɛwɛjɛ ken.

Sitɔɔla 15:14

Waa dɛ bɛne Lehi la, Filisti tena la ɛɛ moo dɛ kpɔ sie pa o be dɛɛ ba. Buɡ la ta, Korowii Doma ba so o nɛ dɛ tɛo kpeɡri kohona. Asɛ ŋwɛɛra baa kpɔa vɔrɔwo la ɛ kɛŋɔ kwaa baa fuah ken dɛ le o nɔɔra ta.

1 Samoɛl 16:14

Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.

1 Samoɛl 10:6

Korowii Doma ɛɛ ba so he nɛɛ kpeɡri nɛɛ, dɛ́ beɡre nɛnfale, ásɛ he ne ba bwa ɛɛ bol Korowii waa aa dɛ́ ba bala kerekere.