1 Samoɛl 10:7 - mzwDBL

⁷ Gɛ waa nɔ bwa ɛo waa, Korowii ɛɛ ba ja he nɛɛ he ɛ waa waa dɛ nyin kɛ he ɛ.

1 Samoɛl 10:7 ပူးပေါင်းရင်းမြစ်များ

Mumpar 21:20

Korowii kpɔ nɔn tɔ bie la nɛɛ o ba kpeɡ, dɛ so bobɛl baa dɛ yerɛ bela Paran. Bela ɛ pua hɛŋle ɡbo harɛ, asɛ o so bela dɛɛ kpaah to ne kɛrɛdɛ.

2 Samoɛl 7:3

Anee Netan chaŋe ŋɔ, “Ɛ wobɛlbwa aa lɔ he liire bini, dɛkalkɛ Korowii ja he nɛ.”

Job Tɔn 31:25

dɛ n fe dɛ hɛɡre n kondɔɔh kohona wa, kɛɛ kwaa maa dɔa,

Kaala 4:8

Korowii bol o be ŋɔ, “Dɛ ba ta hen yaradae nyokpowe-ɛɛla aa tɔ sie la ta tenaa, ba ken ɛɛ yarada anɔ aa teŋa nɛɛ nɔ ta tenee.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Luk Aa Chwera Tɔn 2:12

Waa haa che a ta jemɔ laanee nɔ. Hɛɛ na bie laanee kɛŋɔ baa kpɔ yal fɔrɔwo o chɔ kon jaɡre aa dɛ di kwaa o bini la bini.”

Amanesoma Jɔn Aa Chwera Tɔn 6:14

Nɛnlaa la aa na a ɡɛ nyokpowaa nɔ Yeesu aa ɛa la, ba ŋɔ dɔŋa be ŋɔ, “Kpelaa! Onɔɔ Korowii keame baa ŋɔa ŋɔ wɛɛ bao la.”

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Sitɔɔla 9:33

Tɔɔ perɔ wee ɛɛ le aa, hé le bela dɛ́ kpɔ sie chaɡɛ bwɛjen la ta dɛɛ la. Dɛ Gaal ne o nɛra leɔ dɛ́ ba yo heya aa, ásɛ he ɛɛ ba ɡɛ bwa haa wona.”

1 Samoɛl 2:34

Waa aa pu he bibaala banɛ Hofni ne Fenehas laanee kɛ, ba bwa ɛɛ pɛo sewɛ tɔpebeŋkpoŋ, ásɛ he jemɛ kɛŋɔ waa maa bola la ɛ kasinteŋ.

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.