1 Samoɛl 10:5 - mzwDBL

⁵ A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Samoɛl 10:5 ပူးပေါင်းရင်းမြစ်များ

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

2 Koranar 2:3

Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

2 Koranar 2:5

Korowii keamere baa pɛa dɛɛ valɛ dɛ do Jeriko baa bɔɔ Elaesa ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Elaesa ŋɔ, “N jemɔ, hé hel, he bɛ a waa bol.”

2 Koranar 2:7

Korowii keamere baa pɛa dɛɛ valɛ fifraanue teŋɔ, dɛ ka jaɡɛ che ba ne ba baah tɛr tama, ba sie chaɡɛ bela Elaeja ne Elaesa aa kaa che Jɔɔdan Moo la nyoa la.

2 Koranar 3:15

Dɛ ŋɔ, “Nyin nɛn waa jemɛ janjela lɔe ba tɛ mɛ.” Janjela te la aa dɛ lɔ la, Korowii kpeɡri ba Elaesa nɛ,

2 Koranar 4:38

Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

2 Koranar 6:1

Awola bɛl, Korowii keamere bane baa pɛa dɛɛ valɛ ŋɔ Elaesa waa ɛ ba sitɔɔ be ŋɔ, “Bela ya ne haa dɛ cheme la aa kanɛ.

1 Webena 11:16

A ɡɛ saŋ dɛ Kooro Devid soɡe bela baa ma danjwɛkpeɡ baro deŋɡare bɛl doa, asɛ Filisti laa tena ɡe do Bɛtlɛham.

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 16:5

Asaf ɛ ba nyu te, Sekaria teŋɛ, ne Jeyɛl ne Sɛmeramɔt ne Jehiel ne Matitia, ne Eliab ne Bɛnaya ne Ɔbɛd Edom, dɛ Jeyɛl ɡe ja. Banee dɛɛ lɔ janjela ne anɔ la baa kpɔa dɛɛ hɛlɛ bwa. Asaf ɡee dɛɛ lɔ kwaa anɛ ane baa kpɔ ayaawa ɛa dɛɛ hɛlɛ,

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

Yela 92:3

dɛ́ lɔ janjela ne kwaa bwa soo siwi baa kpɔa dɛɛ hɛlɛ ɡo yela kpɛɛre.

1 Kɔrent 14:1

Hé ɡel he sie beɡre nɛnnyin ta, ásɛ dɛɛ nyin kpeɡri waa lɔ Korowii Domadɛɛɡe la be, dɛ́ kpɔ dɛɛ cha nɛra. Kɛ kpeɡri háa swɛɛ siwi dɛ́ nyin kohona laanee kɛŋɔ, he won che Korowii Domadɛɛɡe kpeɡri ta dɛ́ɛ bol o wa aa dɛ ba bala kerekere la,

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.

1 Samoɛl 10:4

Baa jaamee, dɛ́ kpɔ paanoo anɛ baa ɡɔɔra nyundua tɛ Korowii tɛɛ, ásɛ he lɛ.

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

1 Samoɛl 13:3

Jonatan kaa kpo Filisti tena laa nomoa bwɛɛ baa dɛ yerɔ Geba la ta, asɛ Filisti tena la bwa no. Kooro Sɔɔl ɡelɔ ba hoh bɛla harɛ la bwa ta ŋɔ, “Hibru tena, hé ir dɛ́ kpɔ he te yá kaa laa.”

1 Samoɛl 19:20

o tomɛ o bonɔɔna ŋɔ bá la ka lawɔ. Baa laŋa la, ba nao kɛŋɔ Korowii keamere aa wara dɛɛ bol Korowii wa, asɛ Samoɛl tɔ ba sie. Belaa Korowii Doma ba so Sɔɔl bonɔɔna la nɛɛ kpeɡri nɛ, asɛ ba ɡe ɛɛ bol waa la ane dɛɛ sa.

1 Samoɛl 9:12

Ba chaŋe ŋɔ, “Ɔɔh, bɛl lole. O tɔ he sie, hé ɛ warane, finii o den ba ya bwɛɛ nɔ ta. Bwɛɛ la tena dɛ la ka kpoo kwaa bela baa dɛ ɛ saraha la.