1 Samoɛl 10:25 - mzwDBL

²⁵ Samoɛl kure kara mun mmarare baɡle nɛra la. O chwera do tɔn bini dɛ kpɔ ka bil Korowii sie bela. Asɛ Samoɛl ta ba ŋwɛnɛ, bɛlbwa kaa bela waa lea ba.

1 Samoɛl 10:25 ပူးပေါင်းရင်းမြစ်များ

Taetos 3:1

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa.

1 Timoti 2:2

Hé soŋo dɛɛ tɛ koranar ne nɛra baa dɛ di nomonome bwa, ásɛ ya bwa so bosɔɔhna ta jeih ken, dɛɛ tomɛ Korowii ɡɛ aa chɛa, dɛɛ ɛ waa aa wera o be.

Mmarare 31:26

“Hé lɛ tɔn nɔ, Korowii Mmarare lɔ o ta. Hé kpɔ bil O Ne Nɛwɛnyina Fɔo Daka nɔ jwɛh, ásɛ o do bela dɛɛ lii ba ɡɛ baa so kɛrɛdɛ.”

1 Samoɛl 8:9

Name cheɡ deŋne no waa baa bol, kɛ kah ba kɛrɛdɛ dɛ́ ɡel ba jemɛ ɡɛ ba koranar aa dɛ ba kpɔe dɛɛ ɛɛ ba.”

1 Samoɛl 11:14

Ate, Samoɛl ŋɔ Israel tena la be ŋɔ, “Hé ba ya bwa kaa Gelɡal dɛ́ ka che Sɔɔl mun ta dɛ́ lɛo do kɛ ya kooro kɛrɛdɛ.”

2 Koranar 11:17

Sɔfo Jehoiada ne Kooro Joas fɔwɛ fɔo, o chɔ Korowii ne kooro ne harɛ la ta nɛra baah ta, kɛŋɔ nɛra la ɛ Korowii nɛra. Sɔfo Jehoiada bɔɔ Kooro Joas ne o nɛra ŋɔ bá baɡɛ nyoa ŋɔ ba wa ɛɛ dɔ kasinteŋii tɛ dɔŋa ne Korowii.

Josua 22:6

Asɛ Josua swee ba andɛɛɡa, dɛ ta ba ŋwɛnɛ ba kaa ba sobɔra.