1 Samoɛl 10:19 - mzwDBL

¹⁹ Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

1 Samoɛl 10:19 ပူးပေါင်းရင်းမြစ်များ

1 Samoɛl 12:12

Háa na Amɔn Kooro Nahas wɛɛ ba dɛ́ ba yo heyaa la, he le Korowii waa ɛ he kooro la habɔɔ, dɛ ŋɔ n be ŋɔ, ‘Ya dɛ nyin kooro wɛ́ɛ nyiŋi ya nɛ.’

1 Samoɛl 8:19

Kɛ ane a bwa, nɛra la vɛoh ba ta Samoɛl waa la noɛ. Ba ŋɔ, “Ya dɛ nyin kooro ó baa nyiŋi ya nɛ.

Josua 24:1

Josua berɔ yerɛ Israel deene la bwa, ba nomonome la ne nɛra baa bol waa dɛɛ pa bole bwa cheme bwɛjen Sɛkem. Baa tel bela la, o yerɛ ba bwa ka che Korowii sie.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Nɛra Kura 17:2

“Yerɛ Israel tena dɛ lɛ daŋɡbale fi dɛ anɛ le ba deene nomonnyuune la be. Dea bɛlbwa kon beŋkpoŋ, ásɛ dɛ chwerɛ dea bɛlbwa nomoa sɔn dawɛ o daŋɡbala ta.

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Mmarare 17:14

Anee Mosis berɛ ŋɔ, “Dɛ he baa tel harɛ Korowii haa dɛ tomɔ nɔ aa kpɔa dɛɛ ba heyaa tɛɛ he dɔ dɛ so o ta dɛ lii kɛŋɔ, he chiɡ kooro wɛɛ nyiŋi he nɛɛ kɛŋɔ harɛre aa bar heyaa nɔ naa,

Sitɔɔla 8:23

Anee o ŋɔ, “Maa won di kora he nɛ, ɡɛɛ n bibaa kɛɛ n naa ɡe aa wola won di kora he nɛ. Korowiirii dɛ́ di he kora.”

1 Samoɛl 10:20

Samoɛl aa ɡela Israel deene bwa ba cheme la, Bɛnjamen dea tenaa Korowii lawɛ.

1 Samoɛl 14:23

Gɛɛ a do Korowii lɛ Israel tena awola, asɛ ba ka yo dɛ ɡale Bɛt Avɛn.

1 Samoɛl 14:38

Kooro Sɔɔl yerɛ nomonome baa chɔ laa tena nyoa la bwa dɛ ŋɔ, “Hé ba ya cheme dɛ́ na wechɔɡa yaa ɛa fini.

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

1 Samoɛl 3:21

Korowii teŋɔ kpɔ o te baa baɡle Samoɛl Silo bela, dɛ baɡlo waa waa bol.

1 Samoɛl 4:1

Belaa Samoɛl bol waa Korowii aa kpɔa baɡlo la tɛ Israel tena bwa. A balɔ kɛŋɔ Israel tena vɔrɔwɔ kɛŋɔ bá ka yo Filisti tena. Israel tena kaa baŋre ba tɛnte deene Ɛbɛneesa harɛ ta, asɛ Filisti tena ɡe do Afɛk.

1 Samoɛl 8:5

dɛ ka ŋɔ, “Taraken he hwɛɛhrɔ, asɛ he bii la ɡe ta do kɛ hen, ba we-ɛɛla aa were. Nyin kooro tɛ yaa wɛɛ tɔ ya sie ɡɛ harɛre nɛra bwa aa dɔa la.”