1 Samoɛl 1:26 - mzwDBL

²⁶ asɛ Hana bɔɔ sɔfo Eli ŋɔ, “N poori, n dɔɔ, he dɛ lii mɛ naa? Menee he faa na n che bonɔ dɛɛ soŋe Korowii la.

1 Samoɛl 1:26 ပူးပေါင်းရင်းမြစ်များ

Mumpar 42:15

Kenii mɛɛ ba ɛɛ dɛ́ jemɛ he kasinteŋ. N ŋwɛɛ Ijipt kooro kɛŋɔ he bini bɛlbwa aa bɔree dɔ kaa, nemenɛ he nime bechala la ba bonɔ mɔɔ.

2 Samoɛl 11:11

Belaa o chaŋe kooro ŋɔ, “Korowii Ne Nɛwɛnyina Fɔo Daka la ne Israel tena, dɛ Juda tena bwa soɡe tɛnte deene bini, asɛ n nomoa Joab ne n dɔɔ kooro laa tena ɡe do laa ta dɛ baŋre ba tɛnte dɛ so kpɔɡ bini. Ɛrɛɛ mɛɛ ba wona kaa n dem dɛ́ ka di kwaa nyɔ sen lɛ n sie, dɛ́ lawɛ n haah chɔ ɔ? N ŋwɛɛ Korowii kɛ he taa lole nɔ, maa won ɛ ɡɛ waa nɔ!”

2 Samoɛl 14:19

Asɛ kooro la bɔɔ ŋɔ, “Joab nɔn toole waa nɔ ta naa?” Anee o ŋɔ, “N naa kooro, n ŋwɛɛ Korowii waa lole kɛŋɔ, nomɛlbwa aa won kpɔ waa aa ɛ kasinteŋ sɔeh. Kpelaa, he bonɔɔ Joab, onee chaɡ mɛ ɡɛ maa ɛ, ne anɔ la maa bol bwa.

2 Koranar 2:2

Baa dɛ kaa la, Elaeja ŋɔ Elaesa be ŋɔ, “So bonɔ, Korowii tom mɛ bwɛɛ bɛl baa dɛ yerɔ Bɛtel.” Anee Elaesa ŋɔ, “N ŋwɛɛ Korowii waa lole saŋ bɛlbwa, asɛ he ɡe do le nɔ kɛŋɔ n ne henee.” Asɛ ba bwa chiɡ ŋwɛnɛ ta kaa Bɛtel.

2 Koranar 2:4

Elaeja ŋɔ Elaesa be ja ŋɔ, “Korowii tom mɛ bwɛjen Jeriko, so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Anomanta, ba kaa Jeriko.

2 Koranar 2:6

Elaeja berɛ ŋɔ Elaesa be ja ŋɔ, “Korowii tom mɛ Jɔɔdan Moo la ta, kɛ so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Asɛ ba bwa kaa.

2 Koranar 4:30

Bie la nya la ŋɔ, “N ŋwɛɛ Korowii waa lole, asɛ he ɡe do le kɛŋɔ maa kaa ɡele.” Anomanta, ba bwa teŋɛ dɔŋa nɛɛ kaa.

1 Webena 4:10

Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.

1 Samoɛl 17:55

Gɛ saŋ Kooro Sɔɔl aa nyiŋi Devid o le dɛɛ la ka yo Goliat la, o bɔɔ Abna waa ɛ laa sitɔɔ la ŋɔ, “Ume bie bonɔɔ nɔɔ?” Ate, Abna chaŋe ŋɔ, “N dɔɔ, maa o wobɛlbwa jemɛ.”

1 Samoɛl 20:3

Anee Devid ŋwɛɛ ŋɔ, “He mɛɛ jemɔ kɛŋɔ n dɛ nyin he wa, asɛ o lii o nyu bini ŋɔ, ‘Jonatan ta chɛ kɛ ó jemɛ ɡɛ waa nɔ, ɡɛ laa aa, o bambile ɛɛ chɔɡoo.’ N ŋwɛɛ Korowii waa lole saŋ bɛlbwa nɔ kɛŋɔ, n ne seo baah aa jaŋɛ kpa.”

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.