1 Samoɛl 1:22 - mzwDBL

²² Baa dɛ kaa la, Hana te ta bɛl jae dɛ́ la. Dɛ o tɔ sie ŋɔ o jaa be ŋɔ, “N baa teŋe bie la el aa, mɛɛ kpɔɔ kaa Korowii Dea ó den ka so bela kwaraa.”

1 Samoɛl 1:22 ပူးပေါင်းရင်းမြစ်များ

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Yela 23:6

N jemɔ kɛ he waa wer hɛɛ nyin mɛ nomanta, hɛɛ ja n nɛɛ n soɡa bini tɔpere bɛlbwa, ásɛ n so hen Korowii Dea, saŋ bɛlbwa dɛɛ la.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Kaala 21:6

nomoa la chɛ kɛŋɔ ó la o ne nɛra baa bol waa dɛɛ pa bole sie, dɛ́ lawɛ o deŋne marɛ doonyoa daa keŋkeŋ, dɛ́ forɔ ó ɛ o nɛndɔɔle dɛɛ la, hale o serewe bena.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Amanesoma Luk Aa Chwera Tɔn 2:22

Tɔpere aa tela kɛŋɔ Mɛɛre sɔ o lola doŋa ta ɡɛ Mosis Mmara la aa baɡla la, o ne Josef kpɔ ba bie Yeesu ja ba nɛɛ dɛ la Korowii Dea Jerusalam dɛ kpɔɔ ka baɡle Korowii,

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Josua 4:7

ásɛ he ŋɔ ba be ŋɔ, ‘A cheɡɔ dɛ tɛ saŋ bɛl baa kpɔ Korowii Ne Nɛwɛnyina Fɔo Daka la le Jɔɔdan Moo dɛ ba bonɔ la, moo la teŋo ba valɛ o baah harɛpɛɛ ta dɛ le.’ Anomanta, bwea nɔɔ ya Israel tena kpɔ dɛɛ lii ɡɛ waa nɔ á chɔ le saŋ bɛlbwa dɛɛ la.”

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

1 Samoɛl 1:28

Le fini dɛɛ kaa, n leo cheɡ tɛ Korowii, wɛɛ ɛ Korowii konee o soɡa bini bwa.” Asɛ ba tomɛ Korowii bela.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

1 Samoɛl 2:11

Belaa Ɛlkana ne Hana berɛ kaa Rama bela baa soɡa. Kɛ Samoɛl te soɡe Silo bela sɔfo Eli be, dɛɛ ɛ Korowii toma.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 28:2

Ate Devid ŋɔ, “A wer. Men maa ɛ he bonɔɔ nɔ, hɛɛ kpɔ siwii na waa maa dɛ ba wona ɛ.” Asɛ Kooro Akis chaŋe ŋɔ, “A wer, henee mɛɛ ba ɡela hɛɛ daah mɛ he soɡa bini bwa.”

1 Samoɛl 3:1

Samoɛl lɔ sɔfo Eli sie dɛɛ ɛ Korowii toma. Gɛ saŋ dɛ Korowii waa waa cheɡɛ nɛra nɛɛ dɛɛ bol la ta warɛ. Dɛ waa nae chaahna ta ɡe aa kanɛ.