1 Samoɛl 1:11 - mzwDBL

¹¹ Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

1 Samoɛl 1:11 ပူးပေါင်းရင်းမြစ်များ

Mumpar 28:20

Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Mumpar 30:22

Korowii no Rakɛl wa dɛ no o wesoŋa dɛ tɛo lol.

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

Yela 25:18

Nyiŋi n suna dii ne n bonyɛɡa, dɛ́ kpɔ n wechɔɡa bwa kɛ mɛ.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Sɛɡla 31:2

“N bidɛɛɡe, n tea bini bie hen. N baɡɛ Korowii nyoa, dɛ lolɛ.

Wejereme 5:4

Saŋ bɛlbwa he dɛ baɡɛ Korowii nyoa aa, bɛ ɡel a biɡri he ɛ ɡɛ haa ŋɔa hɛɛ ɛo la, dɛkalkɛ Korowii sie aa nɛn waa ɡɛna waa wola o nyobaɡa ta teŋɛ nɛɛ lɛ.

Lewi Dea Tena 27:2

“Kpɔ waa maa dɛ ba bola nɔ tɛ Israel tena. Dɛ nomɛl kpɔ nɛn tɛ Korowii dɛ́ kpɔ pur nyobaɡa aa, suuɡa aa chɛ kɛŋɔ bá bɔ o nyu ta ó dɔ o te laanee

Nɛra Kura 21:2

Anee Israel tena ŋwɛɛ baɡle Korowii ŋɔ, “Dɛ he cha yaa ya pɔ Keenan tena nɔ nɛ aa, yaa chɔɡ ba bwɛjena bwaa kwaraa.”

Nɛra Kura 6:11

Sɔfo la chɛ kɛ ó kpɔ jumbie la bɛl ɛ wechɔɡa kpɔe dɛ kɛ saraha, dɛ́ kpɔ nɛɛte la ɡe ɛ saraha baa dɛ fuah, dɛ́ kpɔ soŋe naate wechɔɡa tɛo n be, dɛkalkɛŋɔ a ɛ wechɔɡa dawɛ o nɛɛ kɛŋɔ o siwi aa pa o nɛɛ o sewɛ la. Ó laa doŋa bwa kpɔ o nyu ta awola tenten dɛ́ do ɡoroŋ tɛ mɛ.

Nɛra Kura 6:5

Le saŋ waa kpɔ o te tɛ men Korowii kɛŋɔ Nasiri te la, o bɛ o nyu ne o tampona fonɛ bwa. A chɛ kɛ ó do ɡoroŋ ka tel kɛŋɔ saŋ waa kpɔ o te tɛ mɛ la aa baa ɡale. A chɛ kɛ ó ɡel o nyu moɡɛ ba dawɛ o vaama ta.

Nɛra Kura 6:8

Le saŋ waa pere o te dɛ kpɔ o te tɛ mɛ la bwa la, o do ɡoroŋ tɛ men Korowii.

Sitɔɔla 11:30

Asɛ o baɡɛ Korowii nyoa ŋɔ, “Dɛ he kpɔ Amɔn tena do n nɔn ta n pɔ ba nɛ aa,

Sitɔɔla 13:5

He tea haa dɛ ba kpoŋa la, bibaalee hɛɛ ba lola. Dɛ́ɛ berɛ o nyu fona bwa, dɛkalkɛ Korowii ɛɛ leo cheɡ ó ɛ Nasiri te dɛ́ le o lola saŋ bwa. Onee dɛɛ ba mun pae dɛ́ lɛ Israel tena le Filisti tena nɔn ta.”

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.

1 Samoɛl 1:12

Hana teŋɔ soŋe Korowii la sie taeh, asɛ sɔfo Eli ɛɛ nyiŋi a bwa.

1 Samoɛl 1:19

Tɔɔ aa pera chɔmbibii la, Ɛlkana ne o haahna ne bii iro dɛ ka tomɛ Korowii dɛ berɛ ba kaa Rama bela baa soɡa. Ɛlkana ne Hana chɔɔ, asɛ Korowii no o wesoŋa la.

1 Samoɛl 1:22

Baa dɛ kaa la, Hana te ta bɛl jae dɛ́ la. Dɛ o tɔ sie ŋɔ o jaa be ŋɔ, “N baa teŋe bie la el aa, mɛɛ kpɔɔ kaa Korowii Dea ó den ka so bela kwaraa.”

1 Samoɛl 1:27

N kpɔɔ bil Korowii sie ŋɔ ó tɛ mɛ bie nɔ, asɛ o sɛh n nyoa dɛ tɛ mɛ.

1 Samoɛl 1:28

Le fini dɛɛ kaa, n leo cheɡ tɛ Korowii, wɛɛ ɛ Korowii konee o soɡa bini bwa.” Asɛ ba tomɛ Korowii bela.

1 Samoɛl 2:20

Sɔfo Eli yon swee andɛɛɡa tɛ Ɛlkana ne o haah ŋɔ, “Korowii ɡel he ne haah nɔ dɔ bii, bá ba chiɡ onɔ haa soŋo o waa dɛ kpɔ ba tɛo nɔ naa ta.” Ásɛ o ne haah la bwa yon berɛ kaa ba bwɛ.