1 Samoɛl 1:1 - mzwDBL

¹ Baa bɛlee fa lole baa yerɔ Ɛlkana, o le Efrem dea. Dɛ o soɡe Rama waa lɔ Efrem deŋɡarere harɛ ta. O mɛɛ sɔne Jɛroham, o nabaa ɡe sɔne Elihu. Elihu ɡe mɛɛ Tohu, asɛ Tohu ɡe mɛɛ sɔne Suf.

1 Samoɛl 1:1 ပူးပေါင်းရင်းမြစ်များ

1 Koranar 11:26

Dɛ baa bɛl sɔne Jɛroboam, o mɛɛ sɔne Nɛbat, Efrem tee on o le Sɛrɛda. O nya ɡe sɔne Sɛroa dɛ ɛ luhaah. Dɛ Jɛroboam ɛ Kooro Solomɔn nomonome la bini bɛl dɛ do o lɔɡa, dɛ ɛ Kooro dɔm.

1 Webena 6:12

Ahitub lolɛ Sadɔk, Sadɔk ɡe lolɛ Salum,

1 Webena 6:22

Kenii Kohat naanar teŋɛ dɔŋa nɛ. Onee lolɛ Aminadab, Aminadab lolɛ Kora, Kora ɡe lolɛ Asir.

1 Webena 6:33

Baala ba ne ba bibaala aa pea ɛ toma laanee nɔ. Nɛra baa le Kohat tena bini laanee, Joel bibaa Heman waa ɛ yelɡoɡoo, Samoɛl bibaa Joel,

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

Matiu 27:57

Awola jɔmɔra la baa bɛl baa dɛ yerɔ Josef, o le Arimatea dɛ ɛ suuɡate balɔ. Dɛ o ɡba ɛ Yeesu habɔteŋra la bɛl,

Josua 24:33

Sɔfo Eliasa ɡe baa sewɛ, asɛ ba huɡo bwɛjen Gebea harɛ waa ɛ o bibaa Fenehas kon ta. O lɔ Efrem deŋɡarere harɛ ta.

Sitɔɔla 12:5

Gelead tena kaa teŋe leebɔɔne baa cheɡɛ a ta dɛ ɡale Jɔɔdan Moo dɛɛ kaa Efrem harɛ ta la. Dɛ nomɛlbwa chwao le laa la ta dɛ ba tel bela aa, ɡɛɛ ba bɔɔro ŋɔ, “Efrem dea tee hen aa?” Dɛ o ŋɔ, “Ɔɔhɔh” naa,

Sitɔɔla 17:1

Baa bɛlee fa lole baa yerɔ Maeka. O le Efrem dea dɛ so Efrem deŋɡarere harɛ ta.

Sitɔɔla 19:1

A saŋ la, dɛ kooro toole Israel harɛ ta. Dɛ Lewi dea te bɛl soɡe bojaŋ bwɛɛ bɛl ta, Efrem deŋɡarere harɛ ta, dɛ ka kpɔ haah Bɛtlɛham waa lɔ Juda harɛ ta o ne wɛɛ di nyoa sɛm.

Sitɔɔla 4:5

Dɛ bambi daa bɛl cheɡɛ Rama ne Bɛtel baah ta Efrem deŋɡarere harɛ ta baa yerɔ Dɛbora Bambi wɛɛ so o mun, asɛ Israel tena yon la o be o bol ba waa dɛɛ tɛɛ ba.

Rut Tɔn 1:2

Baa la sɔne Ɛlemɛlɛk, o haah ɡe sɔne Naomi. O bibaala la bɛl sɔne Maalɔn, asɛ nɛɛte la ɡe sɔne Keleɔn. Dɛ Efrat dea naanaree ban, ba le Bɛtlɛham waa lɔ Juda harɛ ta.

Rut Tɔn 4:22

Ɔbɛd lolɛ Jese, asɛ Jese lolɛ Kooro Devid.

1 Samoɛl 1:19

Tɔɔ aa pera chɔmbibii la, Ɛlkana ne o haahna ne bii iro dɛ ka tomɛ Korowii dɛ berɛ ba kaa Rama bela baa soɡa. Ɛlkana ne Hana chɔɔ, asɛ Korowii no o wesoŋa la.

1 Samoɛl 17:12

Devid mɛɛ sɔne Jese. O le Efrat waa lɔ Bɛtlɛham, Juda harɛ ta. Jese bibaala lɔ banuatoro. Gɛ saŋ Kooro Sɔɔl aa di kora Israel la, dɛ o hwɛɛhrɔ kɛrɛdɛ.

1 Samoɛl 2:11

Belaa Ɛlkana ne Hana berɛ kaa Rama bela baa soɡa. Kɛ Samoɛl te soɡe Silo bela sɔfo Eli be, dɛɛ ɛ Korowii toma.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.

1 Samoɛl 9:4

Baa lea la, ba kpɔ Efrem deŋɡarere harɛ ta, dɛ ka le Salisa harɛ ta, kɛ ba ta an nae. Ba ɡaaɡɔ ka le Saalim harɛ ta ɡe, ba ta an nae, dɛ berɛ le bela ka kpɔ Bɛnjamen dea harɛ ta, kɛ ba ta keeɡo beŋkpoŋ kwaraa nae.

1 Samoɛl 9:5

Ba ɡaaɡɔ dɛ ba tel Suf harɛ ta, asɛ Sɔɔl ŋɔ bonɔɔ waa ja o nɛɛ la be ŋɔ, “Yá berɛ kaa dem, ɡɛ laa aa, n mɛɛ sie ɛɛ berɔ beɡre ya wa, dɛ́ ɡwaa kɛ keeɡore nɔ aa nyoɡra nɔ.”