1 Pita 5:9 - mzwDBL

⁹ Anomanta, hé che kiŋkiŋ he yarada ta. He bɛ Bɔnsam ŋwɛnɛ tɛ. Hé jemɛ kɛ he bala baa dɛ yarada Yeesu bobɛlbwa la dɛ na a ɡɛ waa nɔ haa dɛ na nɔ dɔŋa.

1 Pita 5:9 ပူးပေါင်းရင်းမြစ်များ

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

Ɛfesos 4:27

He bɛ ɡel Bɔnsam dɔ bɔr dɛ́ neɡre heya.

Ɛfesos 6:16

ásɛ dɛ kpɔ yarada tɔ he te ɡbemɡbe, dɛ́ won lɛ hɛma la Bɔnsam aa kpɔa su nii ta dɛɛ ta heyaa la bwa dɛɛ ta,

Kolosi 2:5

N toole he be, kɛ n liire te lɔ he be. Anomanta, a do n som kɛ he bwa aa pɛa, asɛ dɛ lawɛ yaradae haa dɛ yarada Yeesu Kristo la bini kpoŋe kiŋkiŋ la.

1 Tesalonika 3:3

he bini bɛlbwa bɛ wahala nɔ waa koh dɛ́ chwa. He bwa jemɔ kɛ ɡɛɛ chɛ kɛ ya na.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

2 Timoti 3:12

Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa.

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

Hibru 12:8

Dɛ o ta he deŋne tɛrɛ kɛŋɔ waa dɛ tɛr o bii bwa deŋne la aa, amɔ dɛ o bii ɡbaɡba laa heya, dɛ kataborerii heya.

Jems 4:7

Anomanta, hé kpɔ he te tɛ Korowii ásɛ dɛ no o be. Hé yo Bɔnsam. Wɛɛ chwao le he be.

1 Pita 1:6

Anomanta, he dɔ silɛɛ kohona, kɛ he tea bini ɛɛ chɔɡoo tama te, dɛkalkɛŋɔ Bɔnsam ɛɛ daah heyaa daahna bwa soo siwii na.

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

1 Pita 3:14

He dɛ ɛ wedɛɛɡa a che a ta hɛɛ na waa kwara naa, dɛ he ta som nae yaa? A ba ɡɛ naa, bɛ nɛra baa dɛ hae la ɔmɛ. Bɛ ɡel a hae.

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 6:11

Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.