1 Pita 5:6 - mzwDBL

⁶ Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.

1 Pita 5:6 ပူးပေါင်းရင်းမြစ်များ

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Webena 12:12

Kooro Rɛhoboam aa pwɛr o te tɛ Korowii nomanta, Korowii bandia le o nɛ, o ta on chɔɡɛ kwaraa kpa. Kasinteŋ, dɛ wobɛlbwa pa mun dɛɛ do wer Juda harɛ ta tama tama.

2 Webena 30:11

Kɛ dɛ ba bini bane le Aasa ne Manasɛ, dɛ Sebulon deene ta, dɛ sɛh kɛŋɔ baa ba Jerusalamee.

2 Webena 32:26

Ate, Kooro Hɛsɛkea ne Jerusalam tena charɛ ba liire le mbarafo we-ɛɛla la ta, anomanta, Korowii bandia ta ba nɛɛ balɛ Kooro Hɛsɛkea bere saŋ waa di kora.

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:23

Kooro Amɔn ta o te pwɛrɛ tɛ Korowii kɛ o mɛɛ, dɛ o wechɔɡa ɡwaa o mɛɛ kwaa kohona.

2 Webena 36:12

Kooro Sedekia ɛ wechɔɡa dɛ jo Korowii nɛ, o ta o deŋne pwɛrɛ dɛ no Korowii keame Jeremia waa Korowii aa cheɡɛ o nɛɛ dɛ bol la.

Job Tɔn 36:22

Korowii kpeɡri kan dɛ ɡwaa wobɛlbwa. Umee dɛ won baɡle waa kɛ Korowii ɔ?

Yela 75:10

Wɛɛ sɔɔh kpeɡri nɛnchɔɡa aa dɛ di la nyoaa, kɛ nɛra ba wa aa toɡra te, wɛɛ berɔ tɛɛ ba bokpeɡa.

Yela 89:13

He kpeɡri kan, he dɔ bokpeɡa ɡe kohona!

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Kaala 3:19

N jemɔ kɛŋɔ Ijipt kooro aa sɛh ŋɔ he kaa nemenɛ wekpeɡa ane aa puu mɔɔ.

Kaala 32:11

Anee Mosis soŋe Korowii waa dɛ tomɔ la ŋɔ, “N Naa Korowii, kpeɡri ne bokpeɡa kohona nee he lawɛ he nɛra le Ijipt harɛ ta, bɛ ɡel he baah di ba nɛ.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 40:4

Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Bobɛlbwa waa wola were la chɛ kɛ hé ɡel ó chɔ harɛ, dɛ́ kwaa ŋwɛnɛ deŋɡarere dor harɛ waa chɔa kaa ta ó chɔ kpalantaŋ.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 44:10

Hale ba le fini he ta he te pwɛrɛ mɔɔ. Haa men duu kɛɛ dɛɛ teŋɛ me Mmarare maa kpɔa tɛ he ne he naawa la ta.

Ɛsekeɛl 17:21

Baa kpoo o laa tena baa chwaa dɛɛ kaa bwa laa taa, ba bini banɔ la baa ka la peɡre kaa bobɛlbwa. Asɛ he jemɛ kɛŋɔ men Korowiirii bola.”

Ɛsekeɛl 21:6

Anomanta, Nɛwɛnyini bie, ɡel he bambile chɔɡ he loo ku kohona hɛɛ hime, ásɛ nɛra bwa nae.

Daneɛl 5:22

Kɛ hen, n naa Kooro Bɛlsasa, haa ɛ n naa Kooro Nebukadnesa bibaa la, he jemɛ ɡɛ waa nɔ bwa, kɛ he ta he te pwɛrɛ.

Lewi Dea Tena 26:41

dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa,

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Matiu 23:12

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.

Amanesoma Luk Aa Chwera Tɔn 1:52

O ir kpeɡnɛra ba kora ta, dɛ ɡɔɔ nɛŋɡwɛɡra baa di kpeɡri.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

1 Timoti 2:6

waa kpɔ o te tɛ kɛŋɔ ba kpɔɔ charɛ nɛra bwa nyu la. Gɛ saŋ aa chɛ kɛŋɔ waa nɔ maɡre la taa a den chiɡ la. O ɛ ɡɛ a ɛ danseɛ dɛ chɔ le saŋ bɛlbwa.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

Jems 4:7

Anomanta, hé kpɔ he te tɛ Korowii ásɛ dɛ no o be. Hé yo Bɔnsam. Wɛɛ chwao le he be.

Jems 5:10

Yabala, hé nyiŋi Korowii keamere la baa cheɡɛ o sɔn ta dɛ bol waa baɡle nɛra la na, dɛ na ɡɛ baa na wa, kɛ dɛ won lawɛ bambile ba wahala ta la. Hé ɡe ɛ ɡɛ.