1 Pita 5:10 - mzwDBL

¹⁰ Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Pita 5:10 ပူးပေါင်းရင်းမြစ်များ

Yela 119:28

N dɛ di suna kohona, tɛ mɛ bokpeɡa, ɡɛ haa baɡɛ nyoa la.

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:5

Korowii waa dɛ tɛ nɛn bambile dɛɛ do ɡbemba la, on dɛ tɛ heyaa nyopɛo teŋa haa dɛ teŋɛ Yeesu Kristo nɛɛ la ta,

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 1:9

Korowii ɛ kasinteŋ te. Onee le heyaa ŋɔ hé ne o Bie la do som. O Bie laanee ya Dɔɔ Yeesu Kristo la.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

2 Kɔrent 4:17

Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

2 Tesalonika 2:14

Yanee fa bol Amanesoma la baɡle heyaa he no la, asɛ Korowii che a ta le heyaa ásɛ he ne ya Dɔɔ Yeesu Kristo won pɛ dɔ jirima.

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

2 Tesalonika 3:3

Kɛ Korowii waa dɔ kasinteŋ la, wɛɛ ɡeloo hɛɛ kpeɡ waa la ta teŋa ta, dɛ́ lɛ heyaa le Bɔnsam nɔn ta o bɛ heyaa dɔ.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

1 Pita 1:15

Gɛ Korowii waa le heyaa tɛ o te aa do ɡoroŋ la, hé ɡe do ɡoroŋ ɡɛ he we-ɛɛla bwa ta,

1 Pita 4:10

Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,