1 Pita 4:6 - mzwDBL

⁶ Nɛra baa serewa la, ba bol Amanesoma nɔ baɡle ba ɡe, dɛkalkɛŋɔ Korowii ɛɛ bol ba ɡe waa dɛ́ pa bole ɡɛ waa dɛ ba weera ɛɛ la. Waa ba fa aa dɛ ɛ ɡɛ saŋ baa wola sewɛ mɔɔ la, anee wɛɛ ba nyiŋa dɛ́ pa ba bole. Korowii dɛ nyin kɛ ba dɔ mkpa ɡɛ waa dɔ mkpa la, a waa o ɡel Yeesu bol Amanesoma la chaɡ ba la.

1 Pita 4:6 ပူးပေါင်းရင်းမြစ်များ

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Galaasia 2:19

A ɡɛ Mmara laanee pili n sie dɛ ɡel n jemɛ waa dɛ chwa o ta teŋa. Mosis Mmara la te be pera te naa, n do kɛŋɔ nɛn waa sewa. N ne Mmara la toole wobɛlbwa bini kpa, ásɛ n won do le tɛ Korowii.

Galaasia 5:25

Taraken nɔ, ya jemɔ kɛŋɔ Korowii Domadɛɛɡe laanee tɛ yaa mkpa, anomanta, a chɛ kɛ ya kpɔ ya te tɛo, dɛ́ ɡel wɛɛ baɡle yaa ŋwɛnɛ ya soɡa bini.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 3:19

O lileo la lala baa vɔɡ ba Lalabwɛɛ la be, dɛ ka bol Korowii Waa ba be.

Wepila 14:18

Bɛl ɡe waa dɔ nii kpeɡri le konsɔɔhsoma fuih bɔr, dɛ kpɔ takpeɡ ŋɔ kerenyɛɡ te la be ŋɔ, “Kpɔ he kerenyɛɡ la, dɛ́ chaa harɛ ta daa baa kpɔ a nɔna dɛɛ ɛ sen la nɔna. A beɔ!”