1 Pita 4:19 - mzwDBL

¹⁹ Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

1 Pita 4:19 ပူးပေါင်းရင်းမြစ်များ

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Yela 31:5

He nɔn taa n kpɔ n lileo do, N Naa Korowii, he waa dɔ kasinteŋ, lɛɛ mɛ.

Yela 37:5

Hé kpɔ he waa bwa do Korowii nɔn ta, hé kpɔ he te dawɛ o nɛ, ásɛ o cha heya.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.

1 Pita 3:17

He dɛ ɛ wedɛɛɡa dɛɛ na wa aa, an wera kɛ haa dɛ ɛ wechɔɡa dɛɛ na wa. Dɛ Korowii tetooraa kɛ he koh he wedɛɛɡa ɛɛ waa dɛɛ na wa aa, a wer.

1 Pita 3:20

A saŋ la tena baa ɛ deŋnekpeɡ dɛ vɛh Korowii Waa noe ɡɛ saŋ Nowa fa aa dɛ kwaa o daka la, ba lalaa o bol Korowii Waa baɡle la. Korowii fa lawɛ bambile ba nɛɛ biɡri, dɛ ka tel kɛŋɔ Nowa aa kwaa o daka la tonɛ. Nɛra tama baa lɔ o bini laanee Korowii lɛ nee la ta. Dɛ ba lɔ nɛra banuatoro.