1 Pita 3:4 - mzwDBL

⁴ Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

1 Pita 3:4 ပူးပေါင်းရင်းမြစ်များ

Yela 131:2

N liire ba harɛ n deŋne sɔɔh mɛ. Gɛ bechala yon dawɛ o nya nakpale ta jeiih o bwara sɔɔhno la, ɡɛɛ n bwara sɔɔh mɛ.

Yela 147:6

O dɛ cha nɛŋɡwɛɡra, kɛ nɛnchɔɡa te, o dɛ lɔ ba harɛ.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 25:9

O cha nɛŋɡwɛɡra baa ɛ wa aa toɡra, dɛɛ baɡ ba o ŋwɛnɛre.

Yela 45:13

Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Jeremia 51:59

Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Matiu 21:5

“Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

Matiu 23:26

Farisii tena nyoŋa bane! Hé loo doŋa aa lɔ numol la bini la mɔɔ. O bini la dɔɔ lea, dɛ o habɔɔ leɔ.

Matiu 5:5

Nɛra baa dɛ pwɛr ba te la, ba na som, dɛkalkɛ Korowii nyobaɡa la, banee o baɡɛ tɛ.

Amanesoma Luk Aa Chwera Tɔn 11:40

Gɛna! Korowii waa ta yaa nɔ, o laa ɛ ya bini ne ya baŋ bwa kɛɛ?

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Tɔn Pɔɔl Aa Chwerɛ Rom Tena 1:23

Korowii te aa sewɛ bwa. Kɛ ba vɛh o toma, dɛɛ tomɛ kwaa ba ɡbaɡba aa kwaara a do kɛŋɔ nɛwɛnyini, kɛɛ jumbii, kɛɛ konaatena, kɛɛ kontuuɡa la.

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

Tɔn Pɔɔl Aa Chwerɛ Rom Tena 6:6

Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

Tɔn Pɔɔl Aa Chwerɛ Rom Tena 7:22

N bambile fe lawɛ Korowii Mmara la ta teŋa,

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

Galaasia 5:23

ne pwɛre doe, dɛ ɡel nɛn won o te lawa. Harɛ bɛlbwa toole dɛ ki a ɡɛ waa nɔ.

Ɛfesos 4:2

Hɛ́ɛ sɔɔh bwara dɛɛ pwɛr he te, dɛ́ koh dɔŋa nyina waa dɛ́ dɔ bambile dɔŋa nɛ,

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

1 Tesalonika 4:11

Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.

2 Tesalonika 3:12

Ya cheɡɛ ya Dɔɔ Yeesu Kristo sɔn ta dɛɛ ŋɔ ɡɛ nɛra nɔ be ŋɔ bá do sie dɛɛ ɛ ba ɡbaɡba toma dɛɛ di ba koeh ta.

1 Timoti 2:2

Hé soŋo dɛɛ tɛ koranar ne nɛra baa dɛ di nomonome bwa, ásɛ ya bwa so bosɔɔhna ta jeih ken, dɛɛ tomɛ Korowii ɡɛ aa chɛa, dɛɛ ɛ waa aa wera o be.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”