1 Pita 3:3 - mzwDBL

³ Gɛ haa dɛ ɛ he nyumpona, ne suuɡaswɛm koŋkwaare kɛŋɔ baŋa kwaa ne deŋna kwaa doe, ne laala haa dɛ do laa dɛ ɡel he do wer toli.

1 Pita 3:3 ပူးပေါင်းရင်းမြစ်များ

Mumpar 24:22

Belaa nyoɡmare la aa nyɔ nee la tonɛ la, bonɔɔ la laa suuɡaswɛm noniseɡ baa kpɔa dɛɛ do mee o yoɡ do kpeɡri kohona do Rebɛka mee ta, dɛ berɛ kpɔ suuɡaswɛm nɔnloɡa do o nɔɔra.

Mumpar 24:47

Anee n pɛɛro ŋɔ, ‘Ume biee hen ɔ?’ Asɛ o ŋɔ, ‘Neehɔ ne Milka bie Bɛtoɛl biee men.’ Belaa n kpɔ noniseɡ do o mee ta, asɛ dɛ kpɔ nɔnloɡa ɡe do o nɔɔra.

Mumpar 24:53

Asɛ bonɔɔ la laa kwaa baa kpɔ suuɡaswɛm ne suuɡapoŋ ɛa la ne yale tɛ Rebɛka, dɛ berɛ kpɔ laala a ɡe yoɡ aa kpeɡa tɛ haah la dɔɔ ne o nya.

2 Koranar 9:30

Ate, Kooro Jehu la Jesreel. Jɛsɛbɛl aa no o bala waa la, o do jeemina dɛ ɛ o nyumpona a do wer. O laa dejaŋ waa soɡe o bini tokoro pili dɛɛ kpao.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Yela 45:9

Koranar bihaahna ja haahna baa dɔ jirima, dɛ do he dem nɛ, asɛ hanfale do kwaa baa kpɔ suuɡaswɛm tenten ɛa, dɛ che he diɡ pera.

Kaala 3:22

Israel haah bɛlbwa la o dɔŋ Ijipt handɔŋ be, ne banɔ la bane baa pɛa so deremi ta ka soŋe kwaa baa kpɔ suuɡaswɛm ne suuɡapoŋa ɛa dɛ yale, dɛ́ kpɔ do he bibaala ne bihaahna. Ásɛ ba laala la berɛ kwaa haa kaa paa laa ta.”

Kaala 32:2

Asɛ Arɔn chaŋ ba ŋɔ, “He laa suuɡaswɛm deŋna kwaa he haahna ne bibaala dɛ bihaahna aa doa la bwa kpɔ ba tɛ mɛ.”

Kaala 33:4

Waa waa bola la ɡelɔ bɛlbwa bambile chɔɡ kohona ba pa mun dɛɛ wi. Bɛlbwa ta wone kpɔ o suuɡaswɛm deŋne kon kɛɛ baŋa kon bɛlbwa do kpa.

Kaala 35:22

Baala ne haahna bwa le ba bambile ta kpɔ suuɡaswɛm kwaa kɛŋɔ deŋna kwa, noniseɡa ne jɔɡrɔre bwa soo siwi ba. Ba bwa ɡɔɔra nyundua dɛ viiɡa men Korowii sie.

Kaala 38:8

O kpɔ ayaawa kwaa loɡbajen, asɛ kon waa chɔŋɛ o ta ɡe ɛ ayaawa. Toli bane baa lɔ Korowii Dea Cheremibɔr doonyoa dɛɛ ɛ toma la kpɔ ba ayaawa diɡi ba, bá kpɔ ɛa.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Ɛsekeɛl 23:40

Ba dɛ tomɛ toroma ba ka yerɛ baala le bojaŋa ba. Ba balaa, ba yon sɔ ne, dɛ́ kpɔ kwaa pe ba siebɔra, dɛ́ kpɔ suuɡaswɛm kwaa do ba baŋa ne ba nɔɔra.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Pita 3:2

dɛkalkɛ baa na ɡɛ he we-ɛɛla aa wera doŋa bɛlbwa aa wola toole a ta, ne ɡɛ haa dɛ ɔmɛ Korowii.