1 Pita 3:20 - mzwDBL

²⁰ A saŋ la tena baa ɛ deŋnekpeɡ dɛ vɛh Korowii Waa noe ɡɛ saŋ Nowa fa aa dɛ kwaa o daka la, ba lalaa o bol Korowii Waa baɡle la. Korowii fa lawɛ bambile ba nɛɛ biɡri, dɛ ka tel kɛŋɔ Nowa aa kwaa o daka la tonɛ. Nɛra tama baa lɔ o bini laanee Korowii lɛ nee la ta. Dɛ ba lɔ nɛra banuatoro.

1 Pita 3:20 ပူးပေါင်းရင်းမြစ်များ

Mumpar 6:13

Asɛ Korowii ŋɔ Nowa be ŋɔ, “N dɛ ba nɛra bwa chɔɡa le harɛ nɔ ta. Mɛɛ chɔɡ baa, dɛkalkɛ ba ɡelɔ naɡrenyin we-ɛɛla perɛ harɛ ta bwa. Kasinteŋ, mɛɛ chɔɡ ba ne harɛ bwaa.

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 6:8

Kɛ Korowii sie lɛ Nowa te nɛ.

Mumpar 7:13

Awola bwaala la aa pa mun laanee Nowa ne o haah ne ba bii batoro, Sɛm ne Ham ne Jafɛt dɛ ba ɡe haahna bwa ka jo daka la bini.

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

Mumpar 8:18

Asɛ Nowa ne o haah ne o bii, ne ba ɡe haahna le daka la bini.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Matiu 7:14

Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 1:9

He yarada dɔ mun. A ɡelɔ Korowii ɛɛ lɛ heya, wɛɛ lɛ heyaa ka tonɛ.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

1 Pita 3:19

O lileo la lala baa vɔɡ ba Lalabwɛɛ la be, dɛ ka bol Korowii Waa ba be.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

2 Pita 2:5

O ta a saŋ la tena ɡelɛ. O ɡelɔ nee su tɔ nɛra baa wola on ɔmɛ la nɛ. Nɛra waa ɡel ba bwaa Nowa o fa aa dɛ chaɡle nɛra ŋɔ bá ɡel ba waa toɡre Korowii be la, ne nɛra banuanɛ.

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.