1 Pita 2:9 - mzwDBL

⁹ Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 2:9 ပူးပေါင်းရင်းမြစ်များ

Yela 106:5

ásɛ n dɔ wedɛɛɡa he nɛra aa dɛ ba dɔe la ane, n ne ba bwa dɔ silɛɛ, ásɛ n ne he nɛra haa lee ba cheɡ la hɛɡre kohona.

Yela 118:27

Korowii beŋkpoŋ ɡboo lole, on sune ya nɛɛ dɛ lɛ yaa. Hé pa he tɔpejen dii la mun, dɛ́ kpoŋe bambie daa, dɛ́ ka valɛ bar kwaa aa do kɛ nyeɡlare, dɛ do Korowii saraha on la bɔr la.

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Yela 22:30

Naanar baa ka ba bwa ɛɛ tomɛ Korowii, dɛ́ bol o waa baɡle ba biirere ne ba naanar.

Yela 33:12

Harɛ bɛlbwa nɛra baa kpɔ Korowii dɛɛ tomɔ, o lee ba tɛ o te la, ba na som.

Yela 73:15

Dɛ n bol ɡɛ waa la bɛlbwa naa, n fe le he nɛra la tɛ.

Aesaya 26:2

Hé ya bwɛjen la doonyoone, ásɛ harɛ o nɛra wa aa toɡra, ba waa dɔ kasinteŋ tɛ Korowii bá jo.

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 44:1

Korowii ŋɔ, “Israel tena haa ɛ Jekɔb naanar, hé no! He ɛ n bonɔɔna n le heyaa tɛ n te.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 66:21

Mɛɛ le ba bini banee ɛ sɔfore ne Lewi dea tena.”

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 26:28

Belaa Kooro Aɡrepa ŋɔ, “He dɛ lii kɛ hɛɛ wonoo ɡel n berɛ asɔre te buɡ nɔ ta kɛɛ?”

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

1 Kɔrent 3:17

Anomanta, nomɛlbwa waa chɔɡ Korowii Dea la, Korowii ɛɛ chɔɡ naatee, dɛkalkɛŋɔ o Dea la waa doa la ɛ dea doŋa bɛlbwa aa wola toole o ta. Heyaa o Dea la.

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Ɛfesos 3:21

Hé ɡel o dɔ jirima Yeesu Kristo ne asɔre tena waa bini saŋ bɛlbwa! Aamen.

Mmarare 10:15

Kɛ he naawa ɡbosoo nɛɛ Korowii kpɔ sie dawɛ kɛ wɛɛ nyin baa, dɛ berɛ le he nɛra haa ɛ ba naanar nɔ harɛre nɛra bwa bini, dɛ kpɔ heyaa ɛ o nɛra ɡɛ aa doa fini nɔ.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 18:2

Baa harɛɛ dɔ ɡɛ deene aa kaa la aa dɔa la, kon baa dɔ laanee Korowii sɔfore dii, ɡɛ waa baɡ ba nyoa la.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Felepae 3:14

dɛ́ swɛɛ siwi dɛ́ won tel a jaɡa dɛ́ won dɔ kembɔr. Korowiirii yer mɛ ŋɔ ń ba dɛ́ ba do o be, Yeesu Kristo nomanta. A waa n swɛɛ siwi dɛɛ nyin ń won dɔ kembɔr la.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.