1 Pita 2:7 - mzwDBL

⁷ He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

1 Pita 2:7 ပူးပေါင်းရင်းမြစ်များ

Aesaya 28:5

Awola tɔpere la, Nemenɛ Korowiirii dɛ́ ɛ kooɡbɛrɛ waa wera dɛ dɔ jirima kohona tɛ o nɛra baa kaa la.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Amanesoma Luk Aa Chwera Tɔn 20:17

Yeesu nyiŋ ba dɛ bɔɔ ba ŋɔ, “Amɔ ɛrɛ tenee hɛɛ no Korowii Tɔn bini waa mun ɔ? ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.’

Amanesoma Jɔn Aa Chwera Tɔn 4:42

dɛ ŋɔ haah la be ŋɔ, “A ta ɛɛ kɛŋɔ he waa haa bola la ɡboo ɡela ya yaradao. Ya ɡbaɡba ɡe aa kpɔ deŋne no o waa la name la, anee ɡela ya yarada dɛ jemɛ kɛŋɔ nɛra bwa Lɛɛree nɔ kpela.”

We-ɛɛla 26:19

N Naa kooro, maa na ɡɛ waa nɔ la, n ta vɛɛh. Gɛ bwa Yeesu aa le nyundua ba ŋɔ n be la, n ɛo.

Tɔn Pɔɔl Aa Chwerɛ Rom Tena 10:21

Kenii o baɡle ɡɛ Korowii aa bol Israel tena ɡe wa, “Saŋ bɛlbwaa n paɡri n nɔɔra kɛŋɔ ń lɛ n nɛra kɛ baa men yarada. Ba deŋne kpeɡri, baa waa ɡe no.”

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

2 Kɔrent 2:16

Banɔ la baa dɛ nyoɡre la ɛɛ no sɔɔh laanee dɛ́ serewe, ásɛ banɔ la Korowii aa dɛ lɛɛ ba la ɡe no dɛ́ dɔ mkpa. Umee dɛ won ɛ ɡɛ toma nɔɔ?

Kolosi 2:10

He ne waa pɛa la, he dɔ komɛlbwa. Onee dɔ sɔn waa ɡwaa kwaa yaa wola an na bwa soo siwi sɔn.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Hibru 11:31

Korowiirii hanjwamane Rahab yarada waa o lɛ Israel tena baa baa nyiŋi ba bwɛɛ la sɔh kɛrɛdɛ, Israel tena aa wola on kpoe ja nɛra baa wola Korowii waa noɛ la nɛ.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.