1 Pita 2:6 - mzwDBL

⁶ Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

1 Pita 2:6 ပူးပေါင်းရင်းမြစ်များ

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Sekaria 10:4

Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”

Aesaya 50:7

Sihiih aa men kpo, dɛkalkɛ Nemenɛ Korowiirii dɛɛ cha mɛ. Anomanta, n lawɛ n te, dɛ n jemɔ kɛŋɔ maa nchoo di bwa.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

2 Timoti 3:16

Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi.

Amanesoma Jɔn Aa Chwera Tɔn 7:38

Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Amanesoma Luk Aa Chwera Tɔn 23:35

Nɛnlaa cheɡɛ bela dɛɛ nyiŋu. Juu tena nomonome muɡli o baah ŋɔ, “Kɛ he wono lɛ bane oo? Dɛ he ŋɔ henee Kristo la Korowii aa leo la aa, lɛ he te yá na!”

Matiu 12:18

O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Yela 89:19

N Naa Korowii, saŋ la he pili he waa bini baɡle he nɛndɛɛɡa ŋɔ, “N tɛ banyoo bɛl kpeɡri, n kpɔ kora tɛ nɛn maa leo cheɡ le nɛra bini.

Yela 40:14

Gel nɛra baa dɛ nyin mɛ dɛ́ kpo la, sihiih kpo ba, bá wili. Nɛra ba sie aa dɛ lɛ n wenaale ta la, ber ba kaa, dɛ́ ɡel sihiih kpo ba.

2 Pita 3:16

Pɔɔl dɛ bol a ɡɛ waa nɔ o tɔne bwa bini. Ane ta Pɔɔl tɔne waane mun noe kpeɡri taeh. Anomanta, nɛra baa wola wobɛlbwa jemɛ baa wola cheɡɛ kiŋkiŋ la, ba dɛ berɛ waa la sie. Gɛɛ a ɡɛ nɛra nɔ ɛɛ baɡle Korowii Tɔn bini waa la ane ɡe. Kɛ ba ɡbaɡba nyu taa ba ɛ dɛɛ dawɛ.

2 Pita 1:20

Hé jemɛ kɛrɛdɛ kɛŋɔ waa ba fa aa chwera Korowii Keamere Tɔne bini la, a bɛlbwa toole dɛ ɛ nɛwɛnyini nyu bini liire.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

We-ɛɛla 1:16

“Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Amanesoma Luk Aa Chwera Tɔn 20:17

Yeesu nyiŋ ba dɛ bɔɔ ba ŋɔ, “Amɔ ɛrɛ tenee hɛɛ no Korowii Tɔn bini waa mun ɔ? ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.’

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.