1 Pita 2:24 - mzwDBL

²⁴ O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 2:24 ပူးပေါင်းရင်းမြစ်များ

Mumpar 22:6

Ate, o laa daa baa ka mar la kpɔ choɡ Aesek, dɛ ɡe kpɔ kere ne nii kpoŋe baa kaa.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Kaala 28:38

Wɛɛ dawɛ Arɔn tile taa ásɛ dɛ Israel tena kpɔ ba saraha kwaa bɛlbwa soo siwi ba tɛ mɛ dɛ ba koni a ta naa, bolchɔɡe la ba dawɛ Arɔn nɛ. Gɛɛ wɛɛ ba o tile ta dawa saŋ bɛlbwa ásɛ n lɛ ba saraha kwaa la.

Sɛɡla 20:30

Deŋnetɛra kohona won wechɔɡa laa dɛ́ kpɔ nɛn bambile ta.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Lewi Dea Tena 16:22

Naate la ɛɛ kpɔɔ ka ta harɛ nomɛlbwa aa wola toole o ta, ásɛ ba wechɔɡa bwa dawɛ booh la nɛ ó kpɔ kaa.

Lewi Dea Tena 22:9

Sɔfore bwa chɛ kɛŋɔ bá teŋɛ dɛɛ ɛ anɔ la maa do ba a ta, dɛ bɛ sie laa kpɔ a ta, dɛ́ di bolchɔɡe dɛ́ ba sewɛ. Menee Korowii, menee lee ba cheɡ dɛ ɡel ba do ɡoroŋ.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Nɛra Kura 18:22

Le fini dɛɛ kaa, dɛ Lewi dea tena laa aa, Israel te bɛlbwa bɛ n Dea Cheremibɔr bela bɛne. Aa ɛ wechɔɡaa dɛ́ kaa naate ne seo ta.

Nɛra Kura 7:15

ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Matiu 27:26

Belaa Paelet le Barabas ta, ɡɛ baa dɛ nyin la, dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Matiu 5:20

Kasinteŋ, n dɛ ŋɔ he be, dɛ he wedɛɛɡa ɛɛ ta Tɔnjerema ne Farisii tena wedɛɛɡa ɛɛ ɡwaalaa, haa won ja Korowii Kora ta ŋwɛnɛ bɛlbwa ta.

Matiu 8:17

Anɔ nɔɔ ɡela Korowii keame Aesaya waa waa bola bil la ɛ kasinteŋ. O bolɔ ŋɔ, “Onee laa ya ɡwɛɡra ne ya weela kpɔ ya nɛ.”

Amanesoma Mak Aa Chwera Tɔn 15:15

Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Amanesoma Jɔn Aa Chwera Tɔn 19:1

Belaa Paelet ɡel o soojare ka lawɛ Yeesu, dɛ lɔɔro bampɔrɔ ŋwɛɛra ne.

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

We-ɛɛla 10:39

O waa waa ɛa Juda harɛ ta ne Jerusalam la bwaa ya na dɛɛ di a danseɛ. Ba kpaaro pɛl daɡaɡre ta dɛ kpoo.

We-ɛɛla 13:29

Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo.

We-ɛɛla 5:30

Korowii la ya naawa aa dɛ tomɔ laanee ir Yeesu la haa kpaaro pɛl daɡaɡre ta dɛ kpoo la.

Tɔn Pɔɔl Aa Chwerɛ Rom Tena 6:11

Gɛɛ a chɛ kɛ he kpɔ he te kɛŋɔ he ne wechɔɡa toole wobɛlbwa bini kpa kɛ nɛn aa sewa la. He ne Yeesu Kristo aa pɛa la nomanta, a chɛ kɛ he jemɛ kɛŋɔ Korowiirii he do le tɛ.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Tɔn Pɔɔl Aa Chwerɛ Rom Tena 6:16

Kɛ he jemɔ kɛŋɔ dɛ he kpɔ he te do nomɛl nɔn ta ŋɔ on dɔ heya aa, dɛ on dɔ heyaa kenɛ? He kpɔ he te tɛ wechɔɡa aa, hɛɛ dɛɛ ɛ wechɔɡaa ásɛ dɛ sewɛ. He kpɔ he te tɛ Korowii dɛɛ no o be naa, wɛɛ lɛ heyaa kɛ nɛndɛɛɡa, ásɛ he waa su o siwi.

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 6:7

Nomɛlbwa waa sewa la, o fooro le wechɔɡa kpeɡri aa dɛ di la be pera.

Tɔn Pɔɔl Aa Chwerɛ Rom Tena 7:6

Taraken te ya fooro, Mmara la ta yaa dɔe kpa, dɛkalkɛŋɔ ya ne a ɡɛ Mmara nɔ o fa aa kpɔ yaa berɛ yoma la toole wobɛlbwa bini kpa. Ya ɛo kɛ yaa serewa. Yaa Mmara ŋwɛnɛ ta kpɔe dɛɛ tomɛ Korowii kpa. Korowii Domadɛɛɡe laanee dɛɛ baɡle yaa ŋwɛnɛfale yaa tomɛ Korowii taraken.

1 Kɔrent 15:3

Gɛ Korowii aa baɡ mɛ laanee n baɡle heyaa la. O baɡle waane aa ɛ wejena kɛŋɔ ɡɛ Yeesu Kristo aa koh ya wechɔɡa waa dɛ sewɛ ɡɛ Korowii Tɔn aa baɡle o waa mɔɔ a ɛ la.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Kolosi 2:14

Teŋa haa ŋɔa ŋɔ hɛɛ teŋɛ o Mmara taa dɛ berɛ horɛ a bar heyaa la, a bwa taa o le heya. Waa a waa pɛɛ kpa. Korowii kpaa a bwa pɛl Yeesu daɡaɡre la ta a tonɛ.

Kolosi 2:20

He ne Yeesu Kristo pɛo dɛ sewɛ, anomanta, he ne koŋkwaa aa dɛ di kpeɡri harɛ nɔ ta toole wobɛlbwa bini kpa. Aah bɔkwa waa he ta kpɔ he te dɛɛ do harɛ nɔ ta kii ta dɛ ɡel a vɔrɔwe heyaa ŋɔ,

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:5

A waa Yeesu aa dɛ ba harɛ ta bala la, o ŋɔ Korowii be ŋɔ, “Konaatena ne koŋkwaa baa kpɔa ɛ saraha dɛɛ tɛɛ la, he sie aa a ta lɛ. Kɛ he ɛ bwadabii bɛl tɛ mɛ.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.