1 Pita 2:19 - mzwDBL

¹⁹ Maa dɛ ŋɔ nɔ, naate baa dɛ fiiɡu aa wola aŋwɛnɛ ta ɛɛ, asɛ o koh Korowii waa dɛ won lawɛ bambile la, a wer dɛɛ lɛ Korowii sie.

1 Pita 2:19 ပူးပေါင်းရင်းမြစ်များ

Job Tɔn 21:27

N jemɛ waa bwa aa lɔ hé liire bini, ne liichɔɡa haa liira dɛɛ tɛ mɛ bwa wa.

Yela 119:86

He Mmarare la wer, kɛ nɛn kpɔ o te dawɛ a ta kohona. Lɛɛ mɛ le nɛra baa hah mɛ pɛɛpɛɛ nɔn ta.

Yela 35:19

Bɛ ɡel nɛra baa hah mɛ pɛɛpɛɛ la di n loro, bɛ ɡel ba sie lɛ, n suna maa dɛ di nɔ ta.

Yela 38:19

N dɔma warɔ, dɛ do kpeɡri, ba warɔ, dɛ hah mɛ pɛɛpɛɛ.

Yela 69:4

Nɛra baa hah mɛ pɛɛ warɔ ɡwaa n nyumpona. N dɔma teŋe nyosone dɛɛ dawɛ n nɛ, ba bwara kpeɡri baa nyin mɛ dɛ́ kpo, ba ɡelɔ n berɛ bɔ kwaa maa wola ŋwɛɛ kem tɛɛ ba.

Amanesoma Luk Aa Chwera Tɔn 6:32

Dɛ he dɛ nyin nɛra baa dɛ nyin he waa ɡbo aa, dɛ he wedɛɛɡa haa dɛ ɛ a ɡwaa la, anee ameo? Wechɔɡ-ɛɛra ɡba dɛ nyin nɛra baa dɛ nyin ba wa.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Tɔn Pɔɔl Aa Chwerɛ Rom Tena 13:5

Anomanta, hé ɡel he siwi ɛɛ su he nomonome. Korowii bala waa dɛ ba bala dɛ́ ba tɛr he deŋne la ɡbo waa laa a chɛ kɛ he siwi ɛɛ su ba. Dɛ he siwi aa ban su aa, dɛ he ɡbabir liire aa ɡel he bambile sɔɔhne.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 8:1

Yabala, ya dɛ nyin he jemɛ ɡɛ Korowii aa sune Makidoonia asɔre tena nɛɛ dɛ cha ba ba dɔ bonya kohona.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Hibru 10:2

Dɛ saraha la fe wono ɡel ba le ba wechɔɡa ta kwaraa naa, ba fe ta a ɛɛ ɡelaa? Dɛ a fe wono dɛɛ fee ba wechɔɡa ba nɛ aa, ba liire fe aa ban ha a waa we ba nɛɛ kpa.

1 Pita 2:20

Haa ɛ wechɔɡa, asɛ dɛ lawɛ bambile ba lɔɔre a waa la, bɔkwa sɔnee lɔ he bambile lawa la ta nɔ? He ɛ wedɛɛɡa, ba ɡarɛ koh a waa dɛɛ ɛɛ hɔhɔrɔwa he lawɛ bambile aa, a ɛ sɔn dɛɛ tɛɛ Korowii be.

1 Pita 4:15

Dɛ he bini bɛl dɛ na wahala aa, a bɛ ɛ kɛŋɔ nɛnee o kpo, kɛɛ ŋwɛɛ o ŋwɛ, kɛɛ nɛnchɔɡee on, kɛɛ nyoaa o kpɔ do nɛra waa ta.