1 Pita 2:1 - mzwDBL

¹ Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

1 Pita 2:1 ပူးပေါင်းရင်းမြစ်များ

Job Tɔn 36:13

Nɛra baa wola Korowii tomɛ la dɔ bandia ba bini, dɛ Korowii tɛr ba deŋne kwaraa naa, baa on soŋe ŋɔ ó cha ba.

Yela 32:2

Nɛn Korowii aa wola o wechɔɡa waa lii kpa, nyosone bɛlbwa aa wola toole o bini la, o na som.

Yela 34:13

wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Yela 37:1

He bɛ ɡel nyubinikpeɡ tena we-ɛɛla we he nɛ, he bɛ wechɔɡ-ɛɛra bwara we.

Yela 73:3

dɛkalkɛ n na ɡɛ nyubinikpeɡ tena, ne mbarafo tena wa aa wera dɛɛ tɛɛ ba la aa, dɛ n dɛ wee ba bwara.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Sɛɡla 24:1

Bɛ wechɔɡ-ɛɛra bɔweela ɛ, bɛ ɡel he pɛla lawɛ kɛ he ne baa pɛo.

Sɛɡla 24:19

Bɛ ɡel he baah di wechɔɡ-ɛɛra we-ɛɛla wa, bɛ ban bɔweela ɛ.

Sɛɡla 3:31

Bɛ ɡel he sie beɡre nɛn waa dɛ nyin yoi kwaa ta, bɛ waa waa dɛ ɛ la ane ɛ.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Matiu 15:7

He nɛra haa nyiŋi nɛra sie mɔɔ dɛɛ ɛ wa! Korowii keame Aesaya na he waa bol kɛrɛdɛ ɡɛ waa ŋɔa ŋɔ,

Matiu 23:28

Gɛɛ he den do. Ba na heya aa, he wer siwi ta kɛŋɔ nɛndɛɛɡa, kɛ he bini te, neɡra ne wechɔɡa ɡboo su he bwa.

Matiu 24:51

dɛ́ tɛr o deŋne taeh, dɛ́ doŋu ka pu nɛra baa dɛ nyiŋi nɛra siebɔr mɔɔ dɛɛ ɛ waa la. Belaa wɛɛ ba doe dɛɛ wi dɛɛ na weweele.”

Matiu 7:5

Nɛn haa dɛ nyiŋi nɛra sie mɔɔ dɛɛ ɛ wa! Tɔ sie laa dabor la kpɔ he siwi ta mɔɔ, dɛ́ won na kɛrɛdɛ dɛ́ laa dapuɡri waa lɔ he dɔŋ siwi ta la kpɔ.

Amanesoma Mak Aa Chwera Tɔn 12:15

Dɛ Yeesu jemɛ ba wepɛɛre la mun dɛ ŋɔ, “Ɛrɛɛ hɛɛ haɡre mɛ bela nɔɔ? Hé kpɔ suuɡa bwe ba ń na.”

Amanesoma Luk Aa Chwera Tɔn 11:44

Hé bwɛɛlɛ! He do kɛŋɔ ŋwama nɛra aa wola a waa jemɛ dɛɛ valɛ a ta ken.”

Amanesoma Luk Aa Chwera Tɔn 12:1

Aa ɛ tama la, nɛra kaɡboŋa baa cheme Yeesu sie. Baa wara nomanta, dɛ ba dɛ tiɡri dɔŋa nakpale ta. Belaa Yeesu tɔ sie bol waa o habɔteŋra la be dɛ sɛɡ ba ŋɔ, “Hé nyiŋi he te kɛrɛdɛ Farisii tena iisi wa. Nɛra sie baa nyiŋi dɛɛ ɛ wa.

Amanesoma Luk Aa Chwera Tɔn 6:42

A do kɛŋɔ dabor aa lɔ he siwi ta haa wola on kpɔe, dɛ ŋɔ he dɔŋ be ŋɔ, ‘N dam, ɡel n laa dapuɡri kpɔ he siwi ta.’ Nɛn haa nyiŋi nɛra sie mɔɔ dɛɛ ɛ wa! Tɔ sie laa dabor la kpɔ he siwi ta mɔɔ, dɛ́ won na kɛrɛdɛ, dɛ́ laa dapuɡri waa lɔ he dɔŋ siwi ta la kpɔ.”

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

Tɔn Pɔɔl Aa Chwerɛ Rom Tena 1:29

Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

Ɛfesos 4:31

Hé ɡel nyɛɡre doe, ne bandia, ne ɡaeh, ne wesaɡasaɡare, ne bahmuɡliwa, dɛ meesɔhwaa bwa,

1 Tesalonika 2:3

Jae yaa dɛ ja nɛra la, kasinteŋ ŋwɛnɛ taa, neɡra laa yaa neɡre nɛra, wedoŋa ɡe laa ya lii.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

Taetos 2:3

Ŋɔ hanjeni ɡe be báa ɔmɛ Korowii dɛ́ ɡel ba we-ɛɛla do kaih, dɛ bɛ nɛra dɛɛ ŋwalɛ, dɛ bɛ ɡel sen lɛ ba liire. Báa baɡle waa aa wera.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

1 Pita 2:16

Hé so kɛŋɔ nɛra haa dɔ he te haa wola yoma ɛɛ. Kɛ he bɛ dɔe haa dɔ he te la kpɔ dɛɛ ɛ wechɔɡa. Hé ɡel nɛra na kɛŋɔ Korowii bonɔɔna ne tolii heyaa he soɡa bini.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Pita 3:10

Ba chwerɔ do Korowii Tɔn bini ŋɔ, “Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la, wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

1 Pita 4:4

Nɛra baa wola Korowii tomɛ la, a dɛ ɛɛ ba anebɛlbwa kɛŋɔ he ne baa wola pɛɛ dɛɛ ɛ wedoŋa ne wesaɡasaɡare baa dɛ ɛ la. A waa baa chɛɡre heyaa la.

Wepila 14:5

Ba ta nyosone teŋe bwa. Wechɔɡa bɛlbwa ɡe toole ba nɛ.