1 Pita 1:25 - mzwDBL

²⁵ Kɛ Korowii Waa te lole saŋ bɛlbwa.” A ɡɛ waa nɔɔ Amanesoma baa bola baɡle heyaa la.

1 Pita 1:25 ပူးပေါင်းရင်းမြစ်များ

Yela 102:12

Kɛ hen Korowii te, he di kora saŋ bɛlbwa dɛɛ la. Naanar baa ka ba bwa ɛɛ lii he waa.

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Yela 119:89

N Naa Korowii, he waa lole saŋ bɛlbwa, a cheɡɔ kiŋkiŋ nyundua.

Aesaya 40:6

N no taa bɛl o ŋɔ, “Bol waa takpeɡ ne!” Asɛ n ŋɔ, “Ń ŋɔ ɛrɔɔ?” “Ŋɔ nɛwɛnyina bwa do kɛ kpɔɡa fee, ba jirima ɡe do kɛ kpɔɡa fee aa wola biɡri la ken.

Aesaya 40:8

Kpɔɡa dɛ sewɛ, a fee ɡe ɛɛ chure, kɛ Korowii yaa dɛ tomɔ la te waa lole saŋ bɛlbwa dɛɛ la.”

Matiu 5:18

Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Amanesoma Luk Aa Chwera Tɔn 16:17

Kɛ, nyundua ne harɛ ɛɛ chɔɡoo, dɛ ba ta Mmara la bini wejeɡaa bɛlbwa berɛ.

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

1 Kɔrent 2:2

Maa lɔ he be la, dɛ maa nyin kɛ n kpɔ wejema ane ja n wobol ta, nemenɛ Yeesu Kristo seo waa sewa daɡaɡre la ta la wa.

Ɛfesos 2:17

O baa baɡle he nɛra haa wola Juu tena ɛɛ, he ne Korowii baah fa aa jaŋa la, ne Juu tena ba ne Korowii baah fa aa wola jaŋɛ la bwa amanesoma kɛŋɔ nyopɛo balɔ.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Hibru 6:5

Ba no Korowii waa la dɛ jemɛ wera aa wera, dɛ dɔ kpeɡri baa dɛ ba dɔe tɔpere waa lɔ sie dɛɛ ba bala la ta ane.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.