1 Pita 1:24 - mzwDBL

²⁴ Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

1 Pita 1:24 ပူးပေါင်းရင်းမြစ်များ

2 Koranar 19:26

N ɡelɔ a nɛra bwa ɡwɛɡre, ba bwara yɔr ba di sihiih. Ba ɛo kɛŋɔ kpɔɡa aa lɔ koo ta, kɛɛ kpɔɡa aa lɔ lɔɡ doa, asɛ wee leebɔr peu chɔɡe yon ta a sewɛ la ken.

Job Tɔn 14:2

O dɛ kpeɡ warane kɛ kpɔɡa ken, dɛɛ hol warane, tamaa ken dɛ o nyoɡrɔ kɛŋɔ lileo ken.

Yela 102:4

N do kɛŋɔ kpɔɡa aa hola dɛ kuuɡi chɔ la ken, n pɛla aa kondikwa bɛlbwa lawɛ.

Yela 103:15

Kɛ nɛwɛnyina bwa do kɛ kpɔɡa, ba mkpa ɡe do kɛŋɔ kpɔɡa fee, kpɔɡa dɛ sewɛ a fee ɡe ɛɛ lee,

Yela 129:6

Kórowii ɡel bá do kɛŋɔ kpɔɡa aa le saldoa, aa wola won kpeɡ dɛ a holɔ la ken.

Yela 37:2

Baa biɡri hol kɛŋɔ kpɔɡa ken, dɛ́ piɡri serewe kɛŋɔ, kpɔɡlwɛɛ yon hol la.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Yela 90:5

He won ɡela nɛwɛnyina teŋe sewɛ kɛŋɔ dom yon piɡri lawɛ nɛn la ken. Ba do kɛ kpɔɡlwɛɛ haa naa chɔɔ,

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Matiu 6:30

Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

1 Jɔn 2:17

Harɛ nɔ ne o pɛla kwaa bwa sekwaraa dɔ jaɡa. Naate waa dɛ ɛ anɔ la Korowii aa dɛ nyin la ɡbosoo dɛɛ ba le doe saŋ bɛlbwa.