1 Pita 1:13 - mzwDBL

¹³ Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

1 Pita 1:13 ပူးပေါင်းရင်းမြစ်များ

1 Koranar 18:46

Korowii tɛ Elaeja kpeɡri bɛl o kwaa o yal vɔwɛ chara kɛrɛdɛ, dɛ won takapɔ chwa tɔ Kooro Ahab jaaɡɔ la sie dɛ kaa Jesreel.

2 Koranar 4:29

Anee Elaesa ŋɔ Gehasi be ŋɔ, “Gbaa he batakaare dɛ́ vɔwɛ kiriso, dɛ́ kpɔ n daŋɡbala kpoŋe, dɛ́ chwa dɛɛ kaa. He kaa pu nomɛlbwa naa, bɛ waa o be bol. Nomɛlbwa ɡe bol waa he be naa, bɛ on chaŋe. Kpɔ n daŋɡbala la ka bil bie la sie.”

Job Tɔn 38:3

Ir dɛ́ ba che n sie, ń bɔɔre wa, ásɛ he chaŋ mɛ.

Job Tɔn 40:7

“Ir dɛ́ ba che n sie, ásɛ n bɔɔree wa, he chaŋ mɛ.

Kaala 12:11

Gɛ haa dia laanee nɔ. Hé bini bɛlbwa kpɔ o batakaarejaŋ dɛ́ kpɔ kiriso vɔwɛ o ta, dɛ́ do naŋɡawa ásɛ dɛ kpoŋe o daŋɡbala kɛŋɔ waa dɛ ba ŋwɛnɛ bɛl kaala. Warane ɡee chɛ kɛŋɔ hé dia. Anee ɛ Galekaa kondikwa haa dɛ ba dii n sɔn ta.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Matiu 20:4

Anee o ŋɔ ba be ŋɔ, ‘Hé ɡe kaa n koo la ta ka ɛ toma, ásɛ n tɛ heyaa kembɔr aa chɛ heya.’

Amanesoma Luk Aa Chwera Tɔn 12:35

Hé kpɔ he te dɛɛ kpa toma ɛɛ. Hé kpɔ he te dɛ́ ɡel he kandere ɛɛ hɔ,

Amanesoma Luk Aa Chwera Tɔn 17:30

Gɛ tentenee aa ba ɛɛ awola Men Nɛn Bie la aa ba ja la.

Amanesoma Luk Aa Chwera Tɔn 17:8

Akai! Haa o be ɡɛɛ ŋɔ. Hɛɛ ŋɔ o bee ŋɔ, ‘Ɛ n kondikwaa ka cheɡ mɛ, ásɛ dɛ kpɔ he te ba che n be tiɡ ta, dɛ́ ɛ n wobɛlbwa tɛ mɛ ń di kwaa tonɛ mɔɔ he ɡe ka di he kwa.’

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

Tɔn Pɔɔl Aa Chwerɛ Rom Tena 8:19

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

1 Kɔrent 1:7

Anomanta, taraken haa kpɔ hwɛɡa dɛɛ kpa ya Dɔɔ Yeesu Kristo bala nɔ, wobɛlbwa kpeɡri ta heyaa nyae le Korowii be.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

Ɛfesos 6:14

Kenii hɛɛ ba ɛɛ dɛ won che. Hé kpɔ kasinteŋ ɛ kiriso, dɛ́ kpɔ waa aa toɡra ɛ laa batakaare,

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 1:10

He lɛɛ nɔ, Korowii keamere fa dɛ baɡle ɡɛ Korowii aa dɛ ba he nɛɛ suna dɛ lɛ heyaa la wa, asɛ dɛ swɛɛ siwi dɛ pese Korowii waa waa bola la dɛ jemɛ a bini kɛrɛdɛ.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.