1 Koranar 9:25 - mzwDBL

²⁵ Kooro Solomɔn dɛ ɛ sarahare kera atoro bena bɛlbwa, saraha kon waa ɛa tɛ Korowii la ta. Sarahare baa dɛ fuah ne deŋnesɔɔhna sarahare bwaa o ɛ. O fuh daawiile a sɔɔh aa soma ja a ta Korowii sie. Gɛɛ a do o tonɛ Korowii Dea la doe.

1 Koranar 9:25 ပူးပေါင်းရင်းမြစ်များ

2 Webena 8:16

Kooro Solomɔn toma waa maɡla bil ŋɔ wɛɛ ɛo la, ba ɛ a bwa tonɛ kɛrɛdɛ ken, le awola baa pa Korowii Dea la mun, hale dɛ ba tonɛ.

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

2 Webena 34:25

dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 29:11

N bii, he bɛ bɔhwaah dɛɛ ɛ, dɛkalkɛ heyaa Korowii le ŋɔ he che o sie fuh daawiile a sɔɔh aa soma dɛɛ tɛo, dɛ́ tɔ nɛra sie baa tomɔ.”

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Koranar 6:38

Ba do Dea la dɛ tonɛ o wobɛlbwa, o kora dii bene fi dɛ beŋkpoŋ ta, korobinuatoro baa dɛ yerɔ Bul ta. Anomanta, bene anuanɛɛ Kooro Solomɔn kpɔ ma Dea la tonɛ.

Kaala 34:23

Kera atoroo chɛ kɛ baa bɛlbwa ba n sie benanyoa bɛlbwa men Nemenɛ Korowii Israel tena aa dɛ tom mɛ la sie.

Kaala 30:7

Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Sitɔɔla 11:40

Benanyoa bɛlbwaa toli yon le kaa tɔpera anaarɛ dɛ́ kpɔ dɛɛ lii Gelead te Jɛfta bihaah la wa.

1 Koranar 6:9

Kooro Solomɔn ma Korowii Dea la tonɛ, dɛ kpɔ doli ne peleme daa tɔɔ.

1 Koranar 6:14

Gɛɛ Kooro Solomɔn ɛ dɛ do Korowii Dea la bwa tonɛ.