1 Koranar 8:9 - mzwDBL

⁹ Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

1 Koranar 8:9 ပူးပေါင်းရင်းမြစ်များ

1 Koranar 8:21

Korowii ne ya naawa fɔo baa fɔwa ɡɛ saŋ waa le ba ne Ijipt harɛ ta la nomanta, n kwaa bɔr Dea la bini tɛ Korowii Ne Nɛwɛnyina Fɔo Daka bwepɛle anɛ aa teɡli o bini la o ba che o bini.”

2 Webena 5:10

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

2 Webena 5:9

Daa aa suuɡi o ta la jaŋne nomanta, dɛ nɛn cheɡɛ Korowii Dea la bini, Boɡoroŋ Tenten bela aa, o dɛ naa. Haa won che bobɛlbwa ɡe dɛ naa, a ta lɔ bela ba le fini.

Kaala 13:21

Korowii kpɔ bam bɛl waa do jaŋne kaa nyundua ba tɔ ba sie webaŋa wɛɛ chaɡ ba ŋwɛnɛ, asɛ jwaana ɡe o kpɔ nii waa tɛra kaa nyundua tɔ ba sie wɛɛ chaah ba won vala. Gɛɛ a ɛ ba won webaŋa ne jwaana bwa vala.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Kaala 16:10

Arɔn aa dɛ bol waa la Israel tena bwa be la, ba nyiŋo dɛ na pua hɛŋle ɡbo harɛ ta bela kɛŋɔ Korowii jirima aa chaahna le bam bɛl ta nyundua.

Kaala 16:33

Anomanta, Mosis berɔ ŋɔ Arɔn be ŋɔ, “Kpɔ vii dɛ́ fuɡe maana kuruwa del do o bini, ásɛ dɛ kpɔ cheɡ Korowii sie á che tɛ ya naanar baa ka ba la.”

Kaala 25:16

Ásɛ he kpɔ bwepɛle anɛ me Mmarare la aa dawɛ a ta mɛɛ ba kpɔe tɛɛ la, do Daka la bini.

Kaala 25:21

Kpɔ bwepɛle anɛ maa kpɔ tɛɛ la do Daka la bini dɛ́ kpɔ o tɔ la tɔ.

Kaala 40:20

O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Nɛra Kura 17:10

Korowii berɔ ŋɔ Mosis be ŋɔ, “Berɛ kpɔ Arɔn daŋɡbala la ka tel N Ne Nɛwɛnyina Fɔo Daka la sie, ó do le dɛɛ baɡle lwɛmkpeɡ tena wa. Anee dɛ́ teŋe n waa baa dɛ naɡre nɔ ta dɛ bɛ serewe.”

Nɛra Kura 9:15

Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.

Mmarare 31:26

“Hé lɛ tɔn nɔ, Korowii Mmarare lɔ o ta. Hé kpɔ bil O Ne Nɛwɛnyina Fɔo Daka nɔ jwɛh, ásɛ o do bela dɛɛ lii ba ɡɛ baa so kɛrɛdɛ.”

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.