1 Koranar 8:56 - mzwDBL

⁵⁶ “Hé ɡel ya kpɛɛ Korowii kɛŋɔ waa ɡela o nɛra Israel tena dɔ deŋnesɔɔhna ɡɛ waa baɡɛ yaa nyoa la. Wedɛɛɡa waa cheɡɛ o bonɔɔ Mosis nɛɛ dɛ kpɔ baɡɛ yaa nyoa la, o ta o wobɛlbwa waa bola vɛɛh.

1 Koranar 8:56 ပူးပေါင်းရင်းမြစ်များ

Amanesoma Luk Aa Chwera Tɔn 21:33

Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.

Mmarare 12:10

Kɛ hɛɛ le Jɔɔdan Moo la baŋee, dɛ́ ka so bela Korowii haa dɛ tomɔ nɔ aa kpɔa dɛɛ ba heyaa tɛɛ ó ɛ he kapɛrɛ kon, dɛ́ ɡel he onɛ le he dɔma nɔn ta, ásɛ dɛ so deŋnesɔɔhna ta.

Mmarare 3:20

Hé cha he bala la ka tel kɛŋɔ Korowii aa tɛɛ ba bɔr bá so dɛ́ onɛ, ɡɛ waa tɛ heyaa nɔ, ba ɡe dɔ harɛ Korowii aa kpɔa tɛɛ ba o do Jɔɔdan Moo baŋ le. A habɔɔ la, bɛlbwa ɛɛ won kaa harɛ maa kpɔa tɛ heyaa la ta ja.’

2 Webena 14:6

O bere saŋ, o ma danjwɛkpeɡa bar Juda harɛ bwɛjena, dɛ laa toole harɛ la ta kpa, dɛkalkɛ Korowii tɛo deŋnesɔɔhna.

2 Koranar 10:10

Anɔ dɛ baɡle kɛŋɔ Kooro Ahab dem nɛra waa Korowii aa cheɡɛ o keame Elaeja nɛɛ dɛ bol la bwa ɛ kpela.”

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Kaala 18:10

Asɛ Jetro ŋɔ, “Korowiirii dɔ jam kɛŋɔ waa lɛ heyaa le Ijipt tena ne ba kooro nɔn ta.

1 Webena 16:36

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.