1 Koranar 8:44 - mzwDBL

⁴⁴ Kooro Solomɔn berɔ ŋɔ, “Dɛ he do he nɛra bobɛlbwa ŋɔ bá ka yo ba dɔma, asɛ ba berɛ sie chaɡɛ he bwɛjen ne he Dea maa doa he sɔn ta dɛ soŋe naa,

1 Koranar 8:44 ပူးပေါင်းရင်းမြစ်များ

2 Webena 32:20

Ate, Kooro Hɛsɛkea ne Emɔɔs bibaa Korowii keame Aesaya wi no Korowii ŋɔ ó cha ba.

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

2 Webena 6:34

Kooro Solomɔn berɔ ŋɔ, “Dɛ he do he nɛra bobɛlbwa ŋɔ bá ka yo ba dɔma, asɛ ba berɛ sie chaɡɛ he bwɛjen ne he Dea maa doa he sɔn ta dɛ soŋe naa,

1 Koranar 8:16

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. Kɛ n le hen Kooro Devid ŋɔ hɛɛ nyiŋi n nɛra Israel tena nɛ.’ ”

2 Samoɛl 5:23

asɛ Kooro Devid ka bɔɔ le Korowii be ja, asɛ o chaŋo ŋɔ, “Hɛɛ berɛ sie pae dɛ́ kaa ba be. Hé bar ba ka che ba habɔɔ dɛ́ yoo ba daa ane baa dɛ yera balsam sie bela.

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

1 Samoɛl 30:8

Asɛ Devid bɔɔ le Korowii be ŋɔ, “Ń ti laa tena la kɛɛ? Mɛɛ puu baa yaa?” Korowii chaŋe ŋɔ, “Ti ba, hɛɛ ka puu baa dɛ́ lɛ nɛra baa laɡ ba dɛɛ kaa la ta.”

1 Samoɛl 15:18

Waane le Korowii be ba he be kɛŋɔ, ‘Kaa dɛ́ ka chɔɡ Amalɛk nyubinikpeɡ tena la bwa sekwaraa. Yoo ba ka tel kɛŋɔ haa he ba bwa.’

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

Sitɔɔla 6:14

Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

1 Koranar 8:45

noa nyundua bela haa soɡa, dɛ́ ɡel bá pɔ ba dɔma nɛ.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

2 Webena 20:5

Ate, Kooro Jehosafat ir che nɛra baa le Juda ne Jerusalam bwa sie, Korowii Dea dembaah onfale la sie,