1 Koranar 8:41 - mzwDBL

⁴¹ Hɔɔhra baa wola Israel tena ɛɛ ɛɛ le bojaŋ harɛ bɛl taa dɛ́ ba tomɛ he Dea nɔ bini,

1 Koranar 8:41 ပူးပေါင်းရင်းမြစ်များ

1 Koranar 8:40

Anee dɛ́ ɡel ya ɔmɛ, dɛɛ tomɛ saŋ bɛlbwa harɛ la haa kpɔa tɛ ya naawa la ta.

1 Koranar 8:42

dɛkalkɛŋɔ, ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

2 Webena 6:32

Hɔɔhra baa wola Israel tena ɛɛ ɛɛ le bojaŋ harɛ bɛl taa, dɛ́ ba tomɛ he Dea nɔ bini, dɛkalkɛŋɔ ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Nɛra Kura 15:16

A ɡɛ Mmara nɔ chɔ le tɛ he ne hɔɔhra baa soɡe he bini la bwa.”

Nɛra Kura 15:29

A ɡɛ Mmara nɔ chɔɔ tɛ nomɛlbwa waa wola saahnɛ ɛ wechɔɡa, hale Israel te kɛɛ hɔɔh bɛlbwa waa soɡe he bini.

Matiu 12:42

Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”

Matiu 2:1

Gɛ saŋ baa lolɛ Yeesu Bɛtlɛham waa lɔ Juda harɛ ta la, dɛ kooro bɛl baa dɛ yerɔ Hɛrɔd di kora. Belaa wejerema bane baa jemɛ weweela waa le wee leebɔr harɛ bɛl ta dɛ ba Jerusalam,

Matiu 8:5

Yeesu la Kapeeneɔm. Waa dɛ jo bwɛɛ la ta la, Rom sooja nomoa bɛl ba dɛ ba soŋo ŋɔ,

Amanesoma Luk Aa Chwera Tɔn 17:18

Ɛrɛɛ baa nɔ waa wola Juu te ɛɛ nɔ ɡbo won kpɔ jam ba tɛ Korowii nɔɔ?”

Amanesoma Jɔn Aa Chwera Tɔn 12:20

Dɛ Grik tena bane ja nɛra baa kaa Jerusalam dɛɛ la ká tomɛ Korowii Galekaa tɔpere la ta la nɛ.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Rut Tɔn 2:11

Asɛ Boas chaŋe ŋɔ, “He jaa seo habɔɔ la, n no waa bwa haa ɛa dɛ tɛ he helahaah. N no ɡɛ haa ɡel he nya ne he mɛɛ, ne harɛ haa le o ta, dɛ ba so nɛra haa wola ban jemɛ bwa bini nɔ.