1 Koranar 8:27 - mzwDBL

²⁷ N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

1 Koranar 8:27 ပူးပေါင်းရင်းမြစ်များ

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

2 Webena 6:18

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so, maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

Mmarare 10:14

Nyundua ne harɛ ne komɛlbwa aa lɔ o ta bwa ɛ Korowii haa dɛ tomɔ nɔ kwa.

Yela 113:4

Korowii dɛ di kora harɛre nɛra bwa nɛ. Nɛra dɛ kpɛɛ o jirima waa dɔa nyundua.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

We-ɛɛla 17:24

Korowiirii ta harɛ ne kwaa aa lɔ o ta bwa. On dɔ nyundua ne harɛ bwa. O waane laa chɔɔbɔra nɛwɛnyini aa maa tɛo la wa.

2 Kɔrent 12:2

N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Yela 68:33

onee soɡe nyundujaɡla, dɛ do le saŋ la bwa. Hé cheɡ deŋne no kɔɡra waa dɛ kɔɡre kohona.

Yela 148:4

Nyundujaɡla ne neerare aa lɔ bela bwa, hé kpɛɛro.

2 Webena 2:5

Korowii Dea maa dɛ ba doe nɔ kan, dɛkalkɛ Korowii yaa dɛ tomɔ la kan ɡwaa voɡare bwa.