1 Koranar 8:23 - mzwDBL

²³ dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Koranar 8:23 ပူးပေါင်းရင်းမြစ်များ

2 Samoɛl 7:22

Nemenɛ Korowii, he kan kohona. Nomɛlbwa toole dɛ do kɛ hen, ya te jemɔ saŋ bɛlbwa kɛŋɔ he ɡboo Korowii.

Mmarare 7:9

Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.

Daneɛl 9:4

N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Amanesoma Luk Aa Chwera Tɔn 1:72

dɛ́ na ya sum ɡɛ waa baɡɛ ya naawa nyoa la, dɛ́ lii o fɔo o ne baa fɔwa la.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Aesaya 40:25

Korowii Waa Do Goroŋ la ŋɔ, “Umee hɛɛ ba men kpɔe maɡɔɔ? Umee n ne o ɛ kɛrɛdɛ ɔ?”

Yela 113:5

Umee do kɛ Korowii yaa dɛ tomɔ, o so o kookara ta nyundujaɡla,

Aesaya 40:18

Umee yaa ba wona kpɔ Korowii maɡɔɔ? Bɔkwaa yaa ba kpɔe baɡle o waɔ?

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Koranar 6:12

“Dea haa dɛ ma nɔ, dɛ he no n deŋna waa dɛ teŋɛ n waa bwa ta naa, mɛɛ che he nɛɛ dɛ́ ɡel nyoa maa baɡɛ he mɛɛ Kooro Devid la maɡre.

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

1 Koranar 2:4

Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

1 Koranar 8:24

He teŋɛ nyoa haa baɡɛ n mɛɛ Kooro Devid la ta, he ɡelɔ wobɛlbwa ɛ ɡɛ fini.

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Mmarare 7:12

Dɛ he no ɡɛ waa nɔ dɛ teŋɛ a ta kasinteŋ ne naa, Korowii haa dɛ tomɔ ɛɛ teŋɔɔ dɛ́ kpoŋe o fɔo la bini, dɛ́ɛ nyin he waa ɡɛ waa ŋwɛɛra baɡle he naawa la.