1 Koranar 8:20 - mzwDBL

²⁰ Ate, Kooro Solomɔn ŋɔ, “Korowii teŋɛ o nyobaɡa ta. N baa chiɡ n mɛɛ Kooro Devid naa ta, dɛ berɛ ɛ Israel kooro. N do Dea Korowii yaa dɛ tomɔ la sɔn ta, ya Israel tena ɛɛ tomɔ o bini.

1 Koranar 8:20 ပူးပေါင်းရင်းမြစ်များ

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Tɔn Pɔɔl Aa Chwerɛ Rom Tena 4:21

Dɛ Abraham jemɔ kɛŋɔ Korowii ɛɛ wonoo ɛ ɡɛ waa baɡɔ nyoa la.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Ɛsekeɛl 37:14

Mɛɛ kpɔ n Domaa ba so he nɛɛ hé dɔ mkpa, ásɛ n kpɔ heyaa kaa he ɡbaɡba harɛ ta ka so. Ásɛ he jemɛ kɛŋɔ men Korowii, waa maa bola la, n ɛa. Men Korowiirii bola.’ ”

Ɛsekeɛl 12:25

Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

1 Koranar 8:15

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

We-ɛɛla 7:47

Korowii ta on a ɡɛ ŋwɛnɛ tɛɛ. Devid bie Solomɔnee bera ba ma Korowii Dea la.

2 Samoɛl 7:12

Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

Josua 21:45

Korowii ta nyoa waa baɡɛ Israel tena la bɛlbwa tae, o teŋɛ a bwa ta.

1 Koranar 1:48

‘Korowii Israel tena aa dɛ tomɔ laanee chɛ kpɛɛra kɛŋɔ waa ɡela n na n bibaa Solomɔn o ba chiɡ n naa ta dɛɛ di kora fini nɔ.’ ”

Yela 138:2

Mɛɛ kpɔ sie pa he Dea waa do ɡoroŋ la taa, dɛ́ ba harɛ dɛɛ kpɛɛre, he nyina aa wola jaɡa dɔe, ne kasinteŋ dɔe la wa. Dɛkalkɛ he sɔn ne waa haa ŋɔa hɛɛ ɛo kan ɡwaa komɛlbwa.