1 Koranar 8:11 - mzwDBL

¹¹ Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

1 Koranar 8:11 ပူးပေါင်းရင်းမြစ်များ

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

Ɛsekeɛl 44:4

Baa la kpɔ mɛ kpɔ weekaŋle nyunduabɔr doonyoa ta, dɛ ba n ne Korowii Dea la sie. Asɛ n na kɛŋɔ Korowii jirima baa su o Dea la bini bwa, asɛ n ba harɛ dɛ kpɔ sie pi harɛ.

Lewi Dea Tena 9:23

Ate, Mosis ne Arɔn jo Korowii Dea Cheremibɔr la bini. Baa bera le buse la, ba soŋe andɛɛɡa tɛ nɛra la, asɛ Korowii jirima chaah nɛra la bwa nɛ.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.

We-ɛɛla 7:55

Korowii Domadɛɛɡe aa soɡe Steeven nɛɛ kpeɡri nɛɛ nomanta, o nyiŋi nyundua dɛ na kɛŋɔ bɔr aa chaahna werwer ken Korowii be. Asɛ o na Yeesu cheɡa nomombɔr Korowii diɡ ta bela,

Lewi Dea Tena 9:6

Anee Mosis ŋɔ, “Anɔ bwaa Korowii do heyaa ŋɔ hɛɛ ɛ á che a ta he won na o jirima.”

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Kaala 40:35

Bam la aa tɔ bela Korowii jirima aa su o bwa nomanta, Mosis ta wone jo bela.

1 Koranar 8:10

Sɔfore la aa dɛ le Korowii Dea bela la, bam den ba tɔ Korowii Dea la bwa ta.

1 Koranar 8:12

Anee Kooro Solomɔn soŋe Korowii ŋɔ, “N Naa Korowii, he ŋɔ hɛɛ so baama biŋere binii.

2 Webena 5:14

Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

Yela 90:16

Gel yan yaa ɛ he bonɔɔna nɔ na he nyokpowaa haa dɛ ɛ, ɡel ya naanar na he jirima aa kana la.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.