1 Koranar 8:1 - mzwDBL

¹ Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Jerusalam waa ɛ Kooro Devid Bwɛjen ta ba cheɡ Korowii Dea.

1 Koranar 8:1 ပူးပေါင်းရင်းမြစ်များ

2 Samoɛl 6:6

Ba valɔ ba tel Nakɔn mea lɔ bɔr, asɛ nabala aa dɛ tɛɡre Korowii Ne Nɛwɛnyina Fɔo Daka la lɔ na, asɛ Ussa ta lawɛ Korowii Fɔo Daka la kpoŋe.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

1 Koranar 3:15

Ate, Kooro Solomɔn har dom ta dɛ na kɛŋɔ deeraa o dee. Asɛ o ba Jerusalam dɛ la ka che Korowii Ne Nɛwɛnyina Fɔo Daka la sie, dɛ fuh kwaa ɛ saraha ne deŋnesɔɔhna saraha tɛ Korowii. A habɔɔ, o ɛ kondikonjena, dɛ ta nɔn yerɛ o nomonome bwa.

1 Webena 11:7

Belaa Kooro Devid ka so Jerusalam baa ma danjwɛɛ baro la ta. Gɛɛ a do baa yerɔ Kooro Devid Bwɛjen.

1 Webena 15:25

Anomanta, Kooro Devid ne Israel nomonome, dɛ laa sitɔɔla baa chɔ laa tena kaɡboŋa nyoo, la Ɔbɛd Edom dem silɛɛ ne, dɛ ka kpɔ Korowii Ne Nɛwɛnyina Fɔo Daka la ba.

1 Webena 15:29

Baa kpɔ Korowii Fɔo Daka la dɛɛ jo Jerusalam Kooro Devid Bwɛjen la ta la, Kooro Sɔɔl bihaah Mikal, aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

2 Webena 30:1

Kooro Hɛsɛkea tomɛ nɛra Israel ne Juda harɛ ta, dɛ chwerɛ tɔn ta nɔn yerɛ Efrem ne Manasɛ deene tena ŋɔ, bá cheme Korowii Dea Jerusalam, dɛ́ di Korowii Israel tena aa dɛ tomɔ Galekaa Tɔpejen la.

Ɛsra 3:1

Korobie anuanɛ ta la, Israel tena bwa kaa so ba bwɛɛre ta. Asɛ ba bwa pɛ ka cheme Jerusalam,

Yela 102:21

Anomanta, baa kpɛɛ Korowii sɔn bwɛjen Saayɔnee, dɛ́ kpɔ duure tɛo Jerusalam,

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Nɛra Kura 1:4

Hé ɡel Israel dea bɛlbwa le nomonnyu ó cha heya.”

Josua 23:2

anomanta, Josua yerɛ Israel tena, ne nomonome bwa dɛ nɛra baa bol waa dɛɛ pa bole cheme dɛ ŋɔ, “Taraken, n hwɛɛhrɔ kɛrɛdɛ.

Josua 24:1

Josua berɔ yerɛ Israel deene la bwa, ba nomonome la ne nɛra baa bol waa dɛɛ pa bole bwa cheme bwɛjen Sɛkem. Baa tel bela la, o yerɛ ba bwa ka che Korowii sie.

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”