1 Koranar 7:7 - mzwDBL

⁷ Dea bɛl lole baa yerɔ Kookara Dea, ba berɔ dɛɛ yerɔ Waa Bola Aŋwɛnɛ Ta Dea. Belaa Kooro Solomɔn so bol nɛra waa dɛɛ pa bole. O kpɔ peleme daa sam dea la bini le harɛ kaa o saldoa bwa.

1 Koranar 7:7 ပူးပေါင်းရင်းမြစ်များ

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

1 Koranar 6:3

Pato lɔ Dea la sie, o paɡri lɔ naɡale fi dɛ anue, asɛ o jaŋne dɛ le Dea la ta kaa sie ɡe ɛ naɡale fi dɛ anue, o ne Dea la sie bwa paɡri kɛrɛdɛ.

Yela 122:5

Belaa Kooro Devid luɡe koranar fa so, dɛ bol nɛra waa dɛɛ pa bole.

Sɛɡla 20:8

Kooro soɡe o kookara ta dɛ́ bol waa dɛ́ pa bole aa, o dɛ na anɔ la aa wola were.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.