1 Koranar 7:48 - mzwDBL

⁴⁸ Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

1 Koranar 7:48 ပူးပေါင်းရင်းမြစ်များ

2 Webena 4:8

O ɡelɔ ba ɛ teeburre fi, dɛ kpɔ cheɡ Korowii Dea bela. Anue cheɡɛ weekaŋle harɛbɔr pera, anue ɡe che weekaŋle nyunduabɔr pera. O berɔ ɡel ba kpɔ suuɡaswɛm ɛ loɡa lafa baa do nee kɛɛ chal a bini dɛ ɛ dɛɛ merɛ.

Kaala 39:36

ne teebur la ne o konjeɡre, ne paanoo baa kpɔa baa bil Korowii sie,

1 Kɔrent 10:21

Haa won nyɔ sen la yaa dɛ nyɔ dɛɛ lii ya Dɔɔ waa la, dɛ́ berɛ ka nyɔ Bɔnsam toroma la kwa. He ne ya Dɔɔ aa won pɛ nɔn di kwa, ásɛ he ne Bɔnsam toroma la ɡe berɛ pɛ nɔn di kwa. Aa ɡɛɛ maɡre!

Malakae 1:12

Kɛ he sɔfore dɛ chɔɡ n sɔn dɛ ŋɔ n saraha kon la kah doŋa. He ŋɔ kondikwaa baa kpɔa dɛɛ ba o ta la ɡe ta jirima dɔe, dɛ ɛ konsale.

Ɛsekeɛl 44:16

Ba ɡboo dɔ ŋwɛnɛ dɛ́ jo n Dea la ta, banee dɛ́ suuh tel n saraha kon la, dɛ́ɛ ɛ n Dea bela toma bwa.

Ɛsekeɛl 41:22

Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Ɛsekeɛl 40:42

Ba sɛh bwea ɛ teeburre anaarɛ ɡe tɛ saraha kwaa baa fuah dɛɛ ɛ sarahare. Bɛlbwa jaŋne ka tama o ɡwaa naɡale anɛ, o paɡri ɡe ka tama o ɡwaa naɡale anɛ, asɛ o daŋa ɡe ɛ naɡale beŋkpoŋ ne tama. A taa ba yon kpɔ kwaa baa kpɔa dɛɛ kpoo, dɛɛ kwaa saraha kwaa baa fuah, dɛɛ dawɛ.

Ɛsekeɛl 40:39

Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

2 Webena 4:19

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

Kaala 40:26

Mosis berɔ ɡel ba kpɔ suuɡaswɛm kon baa dɛ fuh konsɔɔhsoma o ta dɛɛ tɛ Korowii la ba cheɡ o Dea Cheremibɔr la bini pateesan la sie,

Kaala 39:38

ne suuɡaswɛm kon baa dɛ fuh daawiile a sɔɔh aa soma o ta, ne noo baa kpɔa dɛɛ do nɛra sɔfore ta, ne konsɔɔhsoma, dɛ pateesan baa kpɔ saɡɛ tɛnte la doonyoa,

Matiu 12:4

O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia.

2 Koranar 12:13

Ba ta suuɡa la bɛlbwa kpɔe bɔ suuɡapoŋ loɡa, ne loɡa baa do chal kɛɛ nee a bini dɛ ɛ dɛɛ merɛ kwaa ta, ne bune baa kpɔa dɛɛ menɛ kandere ŋwɛɛra ne bɛle, kɛɛ suuɡaswɛm komɛlbwa, kɛɛ suuɡapoŋ dɛ cheɡ Korowii Dea bela.

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

2 Koranar 25:15

Laa sitɔɔ la kpɔ kwaa baa kpɔa dɛɛ buh nii, ne loɡa baa do nee kɛɛ chal a bini dɛ ɛ dɛɛ merɛ la, komɛlbwa baa kpɔ suuɡaswɛm tenten ne suuɡapoŋ ɛa te, ba kaa a bwa ne.

Job Tɔn 28:1

Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.