1 Koranar 7:29 - mzwDBL

²⁹ ba di kwaane kɛŋɔ nyujentena ne nabala dɛ kena kwaa ɡwine dawɛ a ta.

1 Koranar 7:29 ပူးပေါင်းရင်းမြစ်များ

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Ɛsekeɛl 10:14

Kerobim la bɛlbwa dɔ siebɔra anaarɛ. Onla waa tɔ sie do kɛŋɔ nabal siebɔr, nɛɛte do kɛŋɔ nɛn siebɔr, toorote do kɛŋɔ nyujente siebɔr, naarɛte la ɡe do kɛŋɔ kee siebɔr.

Ɛsekeɛl 1:10

Siebɔra hweera kwaa anaarɛ la aa dɔa la kokoɡrɔ. Gɛ aa doa teŋa nɔ. Nɛn siebɔr lɔ o sie, nyujente siebɔr do diɡ, nabal siebɔr do ɡal, asɛ kee siebɔr do habɔɔ.

1 Koranar 7:25

Ayaawa loɡ baa dɛ yerɔ Mpo la chɔŋɛ ayaawa waa kpɔa ɛ nabala fi dɛ anɛ nɛ, atoro sie chaɡɛ weekaŋle nyunduabɔr pera, atoro sie chaɡɛ wee cholibɔr, ta atoro sie chaɡɛ weekaŋle harɛbɔr, asɛ atoro ɡe sie chaɡɛ wee leebɔr. Loɡ la chɔŋɛ a nɛ a habɔɔ, asɛ a sie chaɡɛ baŋ.

1 Koranar 6:27

Kooro Solomɔn ɡelɔ ba kpɔa cheɡ dɔŋa jwɛh Boɡoroŋ Tenten bela. Ba ɛa a kena anɛ nyoo ɛɛ chuɡe danjwɛ, asɛ anɛ ɡe ba cheme dea la baah ta.

Kaala 37:7

Asɛ dɛ kpɔ suuɡaswɛm kwaa Kerobim anɛ do daka la nyoo,

Kaala 25:18

Berɛ kpɔ suuɡaswɛm kwaa Kerobim la do o tɔ la nyoo.

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

1 Koranar 7:28

Ayaawaa ba kpɔ ɛ kwaa dɛ kpɔ maɡre o keŋkeŋni bwa,

1 Koranar 7:30

Kwaa aa do kɛŋɔ torɔɡo la bɛlbwa dɔ nakpale anaarɛ baa kpɔ ayaawa ɛa, asɛ ba won a taɡa. Ayaawa la ane ɡee ba kpɔ kwaa kon a nakpale suuɡi a ta. Kwaa la bɛlbwa dɔ komɛl kɛŋɔ loɡ ken o chɔŋɛ o ta, asɛ dɛ dɔ kwaa anaarɛ loɡ la ɡe aa chɔŋɛ a ta.