1 Koranar 7:26 - mzwDBL

²⁶ Loɡ la pipiripi do kɛŋɔ nɔmpaa del, asɛ o nyoa la ɡe do kɛŋɔ numol nyoa dɛ paɡri kɛŋɔ daa fee yon pili la ken. O won nee ɡalɔŋre kaɡboŋa fi lɛɛ.

1 Koranar 7:26 ပူးပေါင်းရင်းမြစ်များ

2 Webena 4:5

Loɡ la pipiripi do kɛŋɔ nɔmpaa del, asɛ o nyoa la ɡe do kɛŋɔ numol nyoa, dɛ paɡri kɛŋɔ daa fee yon pili la ken. O won nee ɡalɔŋre kaɡboŋa fi dɛ anue lɛɛ.

Ɛsekeɛl 45:14

Hé bɔne noo ɡalɔŋre anue bini bɔre fi aa, n bɔr lɔ o ta bɔrbeŋkpoŋ. Gɛɛ a do noo ɡalɔŋre fifraanue bɛlbwa ta.

Jeremia 52:21

Pilare anɛ la le dɔŋa, bɛlbwa jaŋne dɛ kaa nyundua lɔ naɡale fifraanɛ dɛ anuanɛ, asɛ ayaawa baa kpɔa ɛa la ɡe jaŋne dɛ bara ɡe ɛ naɡale fi dɛ anuatoro.

1 Koranar 7:38

Hiram berɔ kpɔ ayaawa ɛ loɡa fi, bɛlbwa dɛ lɛ nee ɡalɔŋre lafraanɛ, asɛ a bɛlbwa paɡri sie ɡe lɔ naɡale anumɛl. Loɡ la bɛlbwa dɛ chɔŋɛ kwaa aa do kɛ torɔɡo la bɛlbwa ta.

1 Koranar 7:19

Pilare la aa lɔ pato la bini tɔre la do kɛŋɔ daa fee ken, a jaŋne dɛ́ kaa nyundua lɔ naɡale anumɛl.

1 Koranar 6:35

O ɡelɔ ba sɛh Kerobim ne bambie daa ne kwaa aa do kɛŋɔ daa fee dɛ dia ɡwine dawɛ ɡɛ ɡbeni la ta, dɛ kpɔ suuɡaswɛm ɛ a bwara kɛrɛdɛ ken.

1 Koranar 6:32

Dea la ɡbeni anɛ ta, o ɡelɔ ba sɛh Kerobim ne bambie daa, dɛ kwaa kwaa aa do kɛŋɔ daa fee dɛ dia ɡwine dawɛ a ta, dɛ kpɔ suuɡaswɛm ɛ a bwara.

1 Koranar 6:18

Peleme daa ba kpɔ ɛ Dea la bini bwa, ba kwaa kwaa aa do ɡuleɡule kɛ loŋa ne anɔ la aa do kɛ daa fee pɛɡle danjwɛɛre la bwa ta, nɛn cheɡɔɔ waa aa, waa bwea baa kpɔa mao la na.

Kaala 25:25

Ɛ kon o paɡri del aa do kɛŋɔ nɔmpaa del baro, dɛ́ ɛ suuɡaswɛm dawɛ o ɡe ta bar.

1 Koranar 7:25

Ayaawa loɡ baa dɛ yerɔ Mpo la chɔŋɛ ayaawa waa kpɔa ɛ nabala fi dɛ anɛ nɛ, atoro sie chaɡɛ weekaŋle nyunduabɔr pera, atoro sie chaɡɛ wee cholibɔr, ta atoro sie chaɡɛ weekaŋle harɛbɔr, asɛ atoro ɡe sie chaɡɛ wee leebɔr. Loɡ la chɔŋɛ a nɛ a habɔɔ, asɛ a sie chaɡɛ baŋ.

1 Koranar 7:27

O berɔ ɡel Hiram kpɔ ayaawa ɛ kwaane aa do kɛŋɔ torɔɡore fi ane baa won a taɡa. Bɛlbwa jaŋne ne o paɡri lɔ naɡale anumɛl, a jaŋne dɛ́ kaa nyundua ɡe naɡale anaarɛ ne tama.

Ɛsekeɛl 45:11

Kuruware ne loŋa haa kpɔa dɛɛ maɡɛ kwaa bwa chɛ kɛ a ɛ kɛrɛdɛ.