1 Koranar 7:21 - mzwDBL

²¹ Hiram kpɔ pilare la paaɡe Korowii Dea pato la ta. Pila waa pa weekaŋle harɛbɔr la, o pa o sɔn Jakin. Asɛ bɛl waa lɔ weekaŋle nyunduabɔr ɡe sɔne Boas.

1 Koranar 7:21 ပူးပေါင်းရင်းမြစ်များ

2 Webena 3:17

O ɡelɔ ba paaɡe pilare la Dea la doonyoa, asɛ bɛl do weekaŋle harɛbɔr, bɛl ɡe do weekaŋle nyunduabɔr. Weekaŋle harɛbɔr pera kon la, o pa o sɔn Jakin, asɛ weekaŋle nyundua kon la ɡe o pao Boas.

1 Koranar 6:3

Pato lɔ Dea la sie, o paɡri lɔ naɡale fi dɛ anue, asɛ o jaŋne dɛ le Dea la ta kaa sie ɡe ɛ naɡale fi dɛ anue, o ne Dea la sie bwa paɡri kɛrɛdɛ.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

1 Koranar 7:12

Koodem la dembaah ne Korowii Dea dembaah, dɛ pato baa cheɡɛ o ta dɛɛ jo Korowii Dea la, ba kpɔ bwea baa kwaara la ma sola atoro dɛ kpɔ peleme daa a teŋɛ dɔŋa nɛɛ dawɛ a ta.

2 Samoɛl 7:12

Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

Rut Tɔn 4:21

Salmon lolɛ Boas, asɛ Boas ɡe lolɛ Ɔbɛd,

1 Koranar 7:22

Pilare la tɔre la, ba ɛa kɛŋɔ daa fee ken. Gɛɛ ba ɛa dɛ kpɔ tonɛ pilare la toma.

Rut Tɔn 2:19

Asɛ Naomi bɔɔro ŋɔ, “Leperaa he ka ɡaaɡe fini nɔ? Ume koo taa he ka kuuh dɛ dɔ anɔ bwa ken? Korowiirii dɛ cha naate waa na he sum nɔ.” Anee Rut ŋɔ o be ŋɔ, “Boas koo taa n ka ɡaaɡe.”

2 Webena 4:13

ne kwaane aa do ɡuleɡule kɛŋɔ daa nɔna baa yera pɔmeɡranet lafraanaarɛ baa bila teŋɛ dɔŋa nɛɛ bele anɛ a do pilare la doa,