1 Koranar 7:14 - mzwDBL

¹⁴ A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

1 Koranar 7:14 ပူးပေါင်းရင်းမြစ်များ

2 Webena 4:16

ne loɡa ne soofire ne bune baa kpɔa dɛɛ toh ola, dɛ anɔ la aa jaa bwa. Kwaa Kooro Solomɔn aa ɡela Hiram Abi ɛ tɛo ó kpɔ cheɡ Korowii Dea la, ayaawa aa dɛ nyɛɡlee ba kpɔ ɛa.

2 Webena 2:14

O nya le Dan dea, asɛ o mɛɛ le Taaya. O dɔ suuɡaswɛm ne suuɡapoŋ ne ayaawa dɛ bune ne bwea, dɛ daa kpɔe dɛ ɛ kwaa wejema. Dɛ jemɛ jisekɔl ne jiseburum, ne onswɛm ne ompoŋ bwa kpɔe sɔh yapondɛɛɡe. Wɛɛ di ɡwine bɛlbwa baa baɡlo dawɛ kon ta. Gel o ba ja he nɛra baa dɔ kwaa ɛɛ wejema, ne he mɛɛ Kooro Devid nɛra baa dɔ kwaa ɛɛ wejema la nɛ.

Aesaya 28:26

O jemɛ o toma. Korowiirii baɡlo anɔ la aa wera.

2 Webena 4:11

Kooro Solomɔn ɡelɔ Hiram berɛ ɛ viine ne soofire, dɛ loɡa báa do nee kɛɛ chal a bini dɛ́ ɛ dɛɛ merɛ. Gɛɛ Hiram ɛ dɛ tonɛ Korowii Dea bela toma bwa ɡɛ waa baɡɛ Kooro Solomɔn nyoa la.

Kaala 36:8

Nɛra baa dɔ kwaa ɛɛ wejema dɛ ja tom-ɛɛra la nɛɛ la kwaa Korowii Tɛnte Dea la dɛ kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi. Dɛ ɡel nɛn waa dɔ kwaa sɔeh wejema ɛ Kerobim dawɛ a ta.

Kaala 35:30

Asɛ Mosis ŋɔ Israel tena be ŋɔ, “He na, Korowii le Uri bibaa Besalɛl, o nabaa aa ɛ Hur le Juda dea,

Kaala 28:3

Ŋɔ baala bwa maa tɛɛ ba kwaa nyara wejema la be ŋɔ, ba nyarɛ laala baa kpɔ do Arɔn baa kpɔ doo sɔfore dii ta, ásɛ o won dɛɛ tom mɛ kɛ sɔfo.

Kaala 35:31

asɛ dɛ kpɔ o Doma ne o wejema waa kpɔa dɛɛ sɛh kwaa ne kwaa bwa soo siwi sɔeh tɛo,

Kaala 35:35

O tɛɛ ba wejema ba won kwaa bwa soo siwi ɛɛ ne banɔ la baa dɔ kwaa kwaara a do wer dɛ di ɡwini dawɛ a ta wejema, ne banɔ la baa won jiseburum ne jisekɔl ne jiseswɛm dɛ jisepondɛɛɡe kpɔe dɛ́ sɔh dawɛ yal ta. Ba bwa ɛ nɛra baa dɔ waa nɔ wejema kɛrɛdɛ dɛ dɔ liire baa won baɡle nɛra bá kpɔ ɛ kwaa á do wer.”

Kaala 36:1

Mosis ŋɔ, “A chɛ kɛ Besalɛl ne Oholiab dɛ banɔ la Korowii aa tɛɛ ba liire ne wejema kohona la, bá won jemɛ ɡɛ bwa baa ɛ dɛ́ do Korowii Dea la, dɛ pa mun dɛɛ ɛ o toma ɡɛ Korowii aa do ba la.”

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.