1 Koranar 6:6 - mzwDBL

⁶ Deene aa lɔ harɛbɔr la paɡri lɔ naɡale anuanɛ ne tama, asɛ baah ta deene la ɡe paɡri ɛ naɡale anuanaarɛ, nyundua kwaa la ɡe paɡri ɛ naɡale fi ne tama. Gɛ aa ɛ ásɛ ba bɛ bɔɔne ba foɡre Korowii Dea la danjwɛɛ ta la, ba kpɔ doli ɡo Korowii Dea la danjwɛɛ la ta a le baŋ, dɛ do deene la chɔŋre a ta.

1 Koranar 6:6 ပူးပေါင်းရင်းမြစ်များ

1 Koranar 6:5

Ba ma deene sawɛ Korowii Dea la, ne danjwɛɛ waa lɔ o bini tenten la dɛ bar o bwa dɛ ma dejeɡre sarawa.

1 Koranar 6:7

Ba pɛɡre bwea baa kpɔ ma Korowii Dea la dɛ kwaara bela baa dɛ kwia mɔɔ dɛ́ kpɔ ba, ɡɛ aa ɛ ba bɛ hambare ne kpanfɛre kɛɛ buni bɛlbwa ɡbɔɡa no Korowii Dea la bela.

Ɛsekeɛl 41:6

Dejeɡre aa baro la chɔŋre dɔŋa nɛɛ bele atoro. Baŋ bɛlbwa lɔ deene fifraatoro. Ba ma danjwɛjeɡre bar Korowii Dea la danjwɛɛ dɛ bar, a lawɛ dejeɡre la kpoŋe. Korowii Dea la danjwɛɛ ɡbaɡba ta laa ba ma sawɛ.

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.