1 Koranar 6:1 - mzwDBL

¹ Israel tena aa ira le Ijipt harɛ ta bene lafraanaarɛ fifraanuatoro habɔɔ Kooro Solomɔn ba di kora Israel harɛ ta. Waa di kora bene anaarɛ, korobinɛɛte baa dɛ yerɔ Siv taa o ɡel ba pa mun dɛɛ ma Korowii Dea la.

1 Koranar 6:1 ပူးပေါင်းရင်းမြစ်များ

We-ɛɛla 7:47

Korowii ta on a ɡɛ ŋwɛnɛ tɛɛ. Devid bie Solomɔnee bera ba ma Korowii Dea la.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Webena 29:19

Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”

1 Koranar 6:37

Kooro Solomɔn aa di kora bennaarɛ te ta, korobinɛɛte baa dɛ yerɔ Siv taa o ɡel ba pa Korowii Dea la mae mun.

Hibru 11:10

Dɛ Abraham dɔ bwɛjen bɛl hwɛɡa. A ɡɛ bwɛɛ la, Korowii ɡbaɡbaa vɔrɔwo, o che kiŋkiŋ. Waa paɡre bwa.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

1 Kɔrent 6:19

Haa jemɛ kɛŋɔ he bwadabii ɛ Korowii Domadɛɛɡe la sobɔr kɛɛ? Korowii kpɔɔ tɛ heya, o so he nɛ. Anomanta, he laa dɔ he te. Korowiirii dɔ heya,

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Sitɔɔla 11:26

Bene lafraatoroo nɔ, Israel tena aa lɛ Hɛsbɔn ne Arowa ne bwɛɛre aa bara, dɛ bwɛɛre aa lɔ Aanɔn Moo la nyoa. Ɛrɛɛ haa wola berɛ lɛa saŋ laɔ?

Nɛra Kura 1:1

Israel tena aa le Ijipt harɛ ta la, ba soɡe Sinai Bwejen pua hɛŋle ɡbo harɛ ta. Ba soɡa bini bennɛɛte korobie waa teŋa nɛɛ o tɔpere waa tɔ sie ta la, Korowii bol waa Mosis be o Dea Cheremibɔr bela dɛ ŋɔ,

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

1 Koranar 6:2

Korowii Dea la sie jaŋne lɔ naɡale fifraanuanaarɛ, o paɡri naɡale fifraatoro, asɛ o jaŋne dɛ kaa nyundua ɡe lɔ naɡale fifraanaarɛ dɛ anue.

1 Webena 6:10

Johanan lolɛ Asaria, a ɡɛ Asaria nɔɔ fa di sɔfore Korowii Dea Kooro Solomɔn aa doa Jerusalam la.

Ɛsra 5:11

Waa baa chaŋe yaa teŋa nɔ. ‘Ya ɛ Korowii Waa Dɛ Di Kora Nyundua ne harɛ bonɔɔna, asɛ ya berɛ kwaa dɛɛ ma Korowii Dea ba fa aa mao saŋ la bwa la. Israel kooro bɛl o fa aa dɛ di kpeɡri kohona laanee pa o mun dɛ tonɔ.

Yela 78:69

Belaa o ma o Dea, o do jaŋne kɛ bwejena ken. O mao o che kɛ harɛ waa tao nɔ, dɛ che kiŋkiŋ saŋ bɛlbwa dɛɛ la.

Haɡae 1:8

Hé teeh bwejena, dɛ́ la ka teŋni dadɛɛɡa ba kwaa do n Dea, ásɛ a do n som baa tom mɛ o bini ń dɔ jirima.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

2 Webena 3:3

Korowii Dea Kooro Solomɔn aa pa o mun la, o jaŋne lɔ naɡale fifraanuanaarɛ, asɛ o paɡri ɡe naɡale fifraatoro.

Ɛsekeɛl 41:1

A habɔɔ la, baa la laɡ mɛ ba Korowii Dea la bini waa do ɡoroŋ, dɛ ba maɡɛ o doonyoa daa la. Baŋ bɛlbwa paɡri lɔ naɡale anuanaarɛ.