1 Koranar 5:9 - mzwDBL

⁹ Mɛɛ ɡeloo n nɛra le a ne Lɛbanɔn harɛ dɛ́ ba a ne mpo nyoa, dɛ́ ba vɔrɔwa pɛ dɛ́ taɡɛ do nee ta ba tɛɛ bela haa dɛ nyin, ásɛ dɛ pura he nɛra ba kpɔ kaa. Waa n ɡe aa dɛ nyin laanee kɛŋɔ he ɡe ba tɛ mɛ kondikwa ń tɛ n dem tena.”

1 Koranar 5:9 ပူးပေါင်းရင်းမြစ်များ

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

1 Koranar 5:10

Gɛ ŋwɛnɛ nɔ taa Kooro Hiram kpɔ dɛ tɛ Kooro Solomɔn daa te bɛlbwa waa dɛ nyin,

1 Koranar 5:8

Asɛ dɛ ɡe tomɛ nɛra Kooro Solomɔn be ŋɔ, “N no he wesoŋa la, mɛɛ ɛ ɡɛ haa dɛ nyin la bwaa dɛ tɛɛ peleme daa ne dadɛɛɡe te bɛlbwa.

1 Koranar 9:27

Kooro Hiram tomɛ o nɛra baa jemɛ mpo nee toma wa ba ne Kooro Solomɔn nɛra pɛ dɛɛ ɛ toma mpo ta.

2 Webena 1:15

O bere saŋ dɛ suuɡapoŋa ne suuɡaswɛm ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, pure daa aa cheɡɛ Juda harɛ deŋɡarere lɔɡre ken.

2 Webena 2:16

Ásɛ ya teŋe daa haa dɛ nyin la bwa le Lɛbanɔn dɛ́ vɔrɔwa, ásɛ dɛ taɡa kpɔ mpo sie ba tɛɛ Jopa waa lɔ mpo nyoa, he ba kpɔ kaa Jerusalam.”

2 Webena 9:22

Dɛ Kooro Solomɔn dɔ suuɡa ne wejema dɛ ɡwaa kooro bɛlbwa harɛ nɔ ta.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Job Tɔn 32:8

Kɛ Korowii kpɔ o Doma dɛɛ do nɛn bini, On Waa Ɛ Kpeɡri Bwa Dɔɔree hweera dɛɛ tɛo wejema.

Wejereme 1:16

N lii n nyu bini ŋɔ, “N kpeɡo dɛ dɔ wejema ɡwaa kooro bɛlbwa waa tɔ n sie dɛ ba di kora Jerusalam. N hweli ɡɛ wejema ne liire dɔe aa doa, dɛ jema kɛrɛdɛ.”

Ɛsekeɛl 27:17

Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.

We-ɛɛla 12:20

Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

Mmarare 3:25

N dɛ soŋe, le n ne Jɔɔdan Moo nɔ baŋ n ka na harɛdɛɛɡe la, ne deŋɡarere harɛ dɛ Lɛbanɔn harɛ la.’