1 Koranar 5:7 - mzwDBL

⁷ Kooro Hiram aa no Kooro Solomɔn kala nɔ la, o sie lɛo kohona o ŋɔ, “Fini, Korowii chɛ kpɛɛra kɛŋɔ waa tɛ Kooro Devid bibaa waa jemɛ waa ŋɔ ó nyiŋi Israel harɛ damanta nɔ ta nɔ.”

1 Koranar 5:7 ပူးပေါင်းရင်းမြစ်များ

Mumpar 33:5

Esɔ na haahna la ne bechale la, dɛ pɛɛro ŋɔ, “Aah bamewa ɡee ja he nɛɛ nɔɔ?” Asɛ Jekɔb chaŋe dɛ ŋɔ, “A ɡɛ bii nɔ, Korowiirii sune n nɛɛ dɛ kpɔ ba tɛ mɛ.”

1 Koranar 1:48

‘Korowii Israel tena aa dɛ tomɔ laanee chɛ kpɛɛra kɛŋɔ waa ɡela n na n bibaa Solomɔn o ba chiɡ n naa ta dɛɛ di kora fini nɔ.’ ”

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

1 Koranar 4:7

Kooro Solomɔn le nomonome fi dɛ banɛ ba chɔ harɛre nyoo Israel bwa. Ba tomaa kɛŋɔ bá lɛ kondikwaa le nɛra be baa tɛ kooro ne o dem tena. Nomonome la bɛlbwa dɔ korobie beŋkpoŋ dɛ́ kpɔ kondikwa ba tɛ kooro benanyoa bɛlbwa.

1 Koranar 5:6

Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

1 Koranar 5:8

Asɛ dɛ ɡe tomɛ nɛra Kooro Solomɔn be ŋɔ, “N no he wesoŋa la, mɛɛ ɛ ɡɛ haa dɛ nyin la bwaa dɛ tɛɛ peleme daa ne dadɛɛɡe te bɛlbwa.

Yela 137:6

Dɛ n ta he waa liire kɛŋɔ henee dɛɛ tɛ mɛ silɛɛ kohona naa, Korowii ɡel n bɛ won ɡo yela kpa.

Sɛɡla 10:1

Kooro Solomɔn sɛɡlaa teŋa nɔ. Bechawejereme ɡelɔ o mɛɛ baŋa ɛɛ pa, kɛ bechaɡɛne te ɡelɔ o nya loo ɛɛ ku.

Sɛɡla 13:1

Bechawejeremee dɛɛ no waa o mɛɛ aa dɛ doo a ta, kɛ deŋnekpeɡ te te, waa o wechɔɡa sɛh.

Sɛɡla 15:20

Bechawejereme ɡelɔ o mɛɛ baŋa ɛɛ pa, kɛ biɡɛne te hah o nya, dɛɛ nyiŋi o nyubaah.

Sɛɡla 23:24

Nɛn o wa aa toɡra mɛɛ sie dɛ lɛ, nomɛlbwa waa lolɛ biwejereme la, sie dɛ lɛ o nɛ.

Aesaya 8:18

N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.