1 Koranar 5:6 - mzwDBL

⁶ Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

1 Koranar 5:6 ပူးပေါင်းရင်းမြစ်များ

Mumpar 10:15

Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

1 Koranar 10:26

Kooro Solomɔn dɔ kwaa aa do kɛ torɔɡore kaɡboŋ lafraanaarɛ ba kpɔ dɛɛ la laa. O dɔ jaɡre ɡe kaɡboŋa fi dɛ anɛ. O kpɔ ane ka do bwɛjena ane ta, ane ɡe do o be Jerusalam.

1 Koranar 5:7

Kooro Hiram aa no Kooro Solomɔn kala nɔ la, o sie lɛo kohona o ŋɔ, “Fini, Korowii chɛ kpɛɛra kɛŋɔ waa tɛ Kooro Devid bibaa waa jemɛ waa ŋɔ ó nyiŋi Israel harɛ damanta nɔ ta nɔ.”

1 Koranar 6:16

O kpɔ peleme daa la ane teŋe Korowii Dea la bini, Boɡoroŋ Tenten la baah ta kɛŋɔ pateesan ken le nyundua ba chiɡ harɛ. O jaŋne lɔ naɡale fifraatoro.

1 Koranar 6:20

Korowii Dea la bini tenten la paɡri lɔ naɡale fifraatoro, o jaŋne dɛ kaa nyundua lɔ naɡale fifraatoro, asɛ o jaŋne ɡe naɡale fifraatoro. Ba kpɔ suuɡaswɛm tenten kwaa o bini bwa, dɛ kpɔ peleme daa pɛɡle kon baa dɛ ɛ saraha o ta la bwa.

1 Koranar 9:19

ne bwɛjena baa do deene dɛɛ cheɡ kwaa a bini ne bwɛɛre kwaa baa vɔwa pɛl jaɡre ne o jaɡre aa dɛ do, ne komɛlbwa o pɛla aa dɔa kɛŋɔ ó ma Jerusalam, ne Lɛbanɔn ne harɛ la bobɛlbwa waa dɛ di o ta kora.

1 Koranar 9:27

Kooro Hiram tomɛ o nɛra baa jemɛ mpo nee toma wa ba ne Kooro Solomɔn nɛra pɛ dɛɛ ɛ toma mpo ta.

1 Webena 22:4

Kooro ɡelɔ bwɛjena Sidon ne Taaya tena ɡe ba tɛo peleme daa aa wara kɛrɛdɛ.

2 Webena 1:14

Kooro Solomɔn dɔ kwaa aa do kɛ torɔɡore kaɡboŋ lafraanaarɛ ba kpɔ dɛɛ la laa. O dɔ jaɡre ɡe kaɡboŋa fi dɛ anɛ. O kpɔ ane ka do bwɛjena ane ta, ane ɡe do o be Jerusalam.

2 Webena 2:10

Mɛɛ bɔ he nɛra baa ba ɛ daa la toma la kemee. Mea a tɔɡre aa ɛ boyu baaɡe kaɡboŋa fifraanaarɛ, ne ane soo siwi a tɔɡre aa ɛ boyu baaɡe kaɡboŋa fifraanaarɛ, dɛ sen ɡalɔŋre kaɡboŋa lafa, dɛ ɔleve noo ɡalɔŋre kaɡboŋa lafa.”

2 Webena 2:8

N ɡbabir jemɛ ɡɛ he tom-ɛɛra aa dɔ daa teŋna wejema, anomanta, tɛ mɛ peleme daa ne dadɛɛɡa ane soo siwi aa lɔ Lɛbanɔn harɛ. N nɛra ɛɛ ba ja ba nɛɛ,

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Yela 29:5

Korowii taa kpeɡri dɛ won peleme daa kuuɡa, hale dakpeɡa aa lɔ Lɛbanɔn.

Sekaria 11:12

Men Sekaria ŋɔ peyarawa la be ŋɔ, “A wer tɛ heya aa, hé bɔ mɛ a kem, a laa ɡe aa, hé ɡel.” Asɛ ba tɛ mɛ suuɡapoŋa fifraatoro.

Tɔn Pɔɔl Aa Chwerɛ Rom Tena 12:17

He bɛ wechɔɡa kpɔ dɛɛ bɔ wechɔɡa kem. Hɛ́ɛ ɛ waa aa wera nomɛlbwa be.

Ɛfesos 4:7

Kɛ ya bɛlbwa dɔ koŋkɛɛle aa le Korowii Domadɛɛɡe la be Yeesu Kristo kpɔ tɛ yaa. Gɛ waa dɛ nyin laanee o bɔna tɛ ya bwa ɡɛ del aa chɛ kɛ bɛlbwa dɔ.

Mmarare 17:16

Kooro la bɛ jaɡre kohona nyin, o bɛ ɡel nɛra la Ijipt harɛ ta dɛ́ ka yawɛ jaɡre, dɛkalkɛŋɔ Korowii haa dɛ tomɔ nɔ ŋɔ o nɛra bɛ berɛ la Ijipt harɛ ta kpa.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.