1 Koranar 5:3 - mzwDBL

³ “He na ɡɛ n mɛɛ fe aa dɛ nyin kɛŋɔ o fee do Korowii Dea, kɛ dɔma baa baro cheme kpɔ yoi puu o ta wone do ka tel kɛŋɔ Korowii aa ɡela o pɔ ba bwa nɛɛ mɔɔ.

1 Koranar 5:3 ပူးပေါင်းရင်းမြစ်များ

1 Koranar 8:19

kɛ ane a bwa, he laa dɛ́ do Dea la, he ɡbaɡba bilolee dɛ́ do Dea la n sɔn ta.’ ”

1 Webena 22:8

Kɛ Korowii ŋɔ n be ŋɔ, ‘He yo laa dɛ kpoo nɛra kohona. Anomanta, he laa chɛ kɛŋɔ hé do Dea tɛ mɛ, dɛkalkɛ he fuɡe chal ta kohona harɛ nɔ ta n sie.

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

1 Webena 28:3

Kɛ Korowii ŋɔ n be ŋɔ n laa dɛ́ do Dea tɛo, n yo laa dɛ kpoo nɛra kohona.

2 Webena 9:4

ne kondikwaa aa cheɡɛ o kondikondibɔr, ne o nomonome sobɔr ne o bonɔɔna baa dɛ tomɔ, ne ba laala baa doa, ne bonɔɔna baa do batakaani dɛɛ doo sen, dɛ kwaa waa kpoora dɛ fuah dɛɛ ɛ sarahare Korowii Dea la, a ɛo nyokpoa.

Nehemia 5:17

Waa aa jaa ɡee kɛŋɔ, dɛ Juu tena ne ba nomonome lafa fifraanue dɛ di kwaa n be, harɛre nɛra baa bar yaa cheme te ta jae.

Nehemia 5:18

Tɔpere bɛlbwaa n ɡel baa kpo nabal ne pedɛɛɡa anumɛl dɛ jala, asɛ tɔpera fi bɛlbwa ɡe, n ɡel baa tɛ sene bwa soo siwi kohona. Anɔ bɛlbwa la, n ta kondikwaa aa chɛ kɛ bá kpɔ tɛ nomoa waa dɛ nyiŋi harɛ ta waa pɛɛrɛ, dɛkalkɛ dɛ a ɡwaa nɛra la nɛ.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 8:6

He ɡelɔ o dɔ komɛlbwa kpeɡri a do o lɔɡa,

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Mmarare 14:5

ne ah ne welo, ne kweɡla.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.