1 Koranar 5:1 - mzwDBL

¹ Dɛ Taaya Kooro Hiram chamenatee Kooro Devid, anomanta, waa noa kɛŋɔ ba cheɡ Solomɔn kora o so o mɛɛ Kooro Devid buɡ ta la, o tomɛ o nomonome ba ba na Kooro Solomɔn.

1 Koranar 5:1 ပူးပေါင်းရင်းမြစ်များ

1 Webena 14:1

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Samoɛl 5:11

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

1 Koranar 5:10

Gɛ ŋwɛnɛ nɔ taa Kooro Hiram kpɔ dɛ tɛ Kooro Solomɔn daa te bɛlbwa waa dɛ nyin,

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

1 Koranar 5:13

Kooro Solomɔn kpɔ tom-ɛɛra kaɡboŋa fifraatoro le Israel harɛ ta bwa,

2 Samoɛl 8:10

o tomɛ o bibaa Hadoram Kooro Devid be, o ka jaamo yoi waa kaa yo Kooro Hadadesa dɛ pɔ o nɛɛ la wa. Dɛ o ne Kooro Tou nɔ yo laa ka. Hadoram kpɔ suuɡaswɛm ne suuɡapoŋa dɛ ayaawa kwaa bwa soo siwi ba tɛ Kooro Devid.

Aesaya 23:1

Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

Nɛra Kura 24:7

Bwaala ɛɛ nɛɔ taeh, ásɛ kwaa baa dua dɔ nee kohona. Ba kora ɛɛ do kanee ɡwaa Amalɛk Kooro Aɡaɡ. Ba harɛ do kan, dɛ́ dɔ jirima kohona.

Mmarare 20:11

Dɛ ba sɛoh dɛ ya ba bwɛɛ ɡbeni tɛ heyaa, ate dɛ ba berɛ he yoma dɛ́ ɛ toma dɛɛ tɛ heya.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

2 Webena 17:11

Filisti tena bane kpɔ harɛ la ta kwaa ne suuɡapoŋa ba kɛo, Arab tena ɡe ba tɛo peera kaɡboŋa anuanɛ lafraanuanɛ, dɛ boohna kaɡboŋa anuanɛ lafraanuanɛ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

Yela 80:12

Ɛrɛɛ he ɡel nɛŋhɔɔhra dɔ bɔr kuuɡi kon baa kpɔa ke daa la nɔɔ? Nomɛlbwa teŋo baa kaa laa, wɛɛ won ba tɔɔ o nɔna di.

Ɛsekeɛl 19:11

O kpala kpeɡri dɛ do wer kɛ bá kpɔ ɛ kooro daŋɡbala. O kpeɡo tɛr kaa nyundua baama bini, nɛra na ɡɛ waa kpeɡa dɛ dɔ papooni kohona.

Amanesoma Luk Aa Chwera Tɔn 7:5

dɛkalkɛ o dɛ nyin ya Juu tena wa, hale o do cheremi dea tɛ yaa kwara.”