1 Koranar 4:6 - mzwDBL

⁶ Ahisa ɛɛ nyiŋi koodem wobɛlbwa ta, Abda bibaa Adoniram chɔ nɛra baa kpɔ ba dɛɛ ɛ tomkpeɡa nyoa.

1 Koranar 4:6 ပူးပေါင်းရင်းမြစ်များ

2 Samoɛl 20:24

asɛ Adoniram chɔ nɛra baa dɛ do ba tomkpeɡa ta nyoa, Ahilud bibaa Jehosafat ɡe chɔ waa aa chiɡa ba chwera dɛɛ bil dɛ́ kwaa cheɡ nyoa.

1 Koranar 12:18

Belaa Kooro Rɛhoboam tomɛ Adoniram waa chɔ tomkpeɡa ɛɛ nyoa ŋɔ o la Israel tena be. Asɛ ba bwa foɡro bwea kpo. Kooro Rɛhoboam dɔ warane dɛ jo o kon waa do kɛ torɔɡo bini, dɛ chwa ka sɔh Jerusalam.

1 Koranar 4:5

Netan bibaa Asaria chɔ harɛre nomonome nyoa. Netan bibaa Sabud ɛ sɔfo dɛ berɛ bol waa dɛɛ baɡle kooro,

1 Koranar 4:7

Kooro Solomɔn le nomonome fi dɛ banɛ ba chɔ harɛre nyoo Israel bwa. Ba tomaa kɛŋɔ bá lɛ kondikwaa le nɛra be baa tɛ kooro ne o dem tena. Nomonome la bɛlbwa dɔ korobie beŋkpoŋ dɛ́ kpɔ kondikwa ba tɛ kooro benanyoa bɛlbwa.

1 Koranar 9:15

Ŋwɛnɛ Kooro Solomɔn aa kpɔa ɛɡre nɛra ba ma Korowii Dea ne o ɡbaɡba koodem, ne bwea waa ɡela ba che su bwɛjen Jerusalam wee leebɔr pera waa ɛ bɔɔ la bini o su, ne danjwɛjen waa baro, ne bwɛjena Hasɔ ne Meɡido dɛ Gɛsa laanee la.

2 Webena 10:18

Belaa Kooro Rɛhoboam tomɛ Adoniram, waa chɔ tomkpeɡa ɛɛ nyoa ŋɔ ó la Israel tena be. Asɛ ba bwa foɡro bwea kpo. Kooro Rɛhoboam dɔ warane, dɛ jo o torɔɡo bini, dɛ chwa ka sɔh Jerusalam.

2 Webena 8:8

ba naanaree kaa Israel tena aa wola kpoorɛ, ɡɛ saŋ baa doŋi nɛra baa tɔ sie so bela la. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.